Sao mba tsy rariny - Tonton PA

Описание: Efa nivoady anie ianao
Ny tsy ho tia mihoatra izao
Nilokaloka tsy handao
Raha mitempo ny fonao;
Tsy maina akory ny lamba nosasana
Lasa ianao, tsy tamana.


Efa mba nahavita izao sy izao
Diso efa fantatrao
fanazaran-tena angaha ny anao ?
Any vao tena kilalao.
Nianantsika ny matsiro indrindra
Izay ianao vao nifindra.

Ilay rova sarobidy
nahitako hafanana
sahinao noravàna !
Ianao anie mahalala :
izaho ilay tia adala.

Izaho lany ron-doha
Tsy nirohy fo
Mba hikaroka izay mahasoa
Nony maty ve ny voay
Dia ny hafa indray
No hiravaka imasoko ilay nisasarako e ?
sao dia mba tsy rariny ?
Sao voan'ody fitia ?
Sao dia mba tsy rariny ?
Sa ve fo vato ny an-dry ?

Neny a ! Marary anie dada e !


Ny tody anie ka eny an-dalanao eny
Saingy tsy mba miteny,
Ny tsiny koa lolohavinao ombieny
Maiva-mavesatra izy ireny.
Tsy vali-vaty no mikotrika anaty
Fa tsy maintsy hoe Mahatanty
Todim-pitia iray hatrany no andrasana eto an-tany
Mba hovalin'ny tomany
Maharary anie izany
Ny aza voany ihany.

Izaho lany ron-doha
Tsy nirohy fo
Mba hikaroka izay mahasoa.
Nony maty ve ny voay
Dia ny hafa indray
No hiravaka imasoko ilay nisasarako e ?
sao dia mba tsy rariny ?
Sao voan'ody fitia ?
Sao dia mba tsy rariny ?
Sa ve fo vato ny an-dry ?