អាជ្ញាធរខេត្ត៖ ស្រ្តីបានដើរតួនាទីយ៉ាងសំខាន់នៅក្នុងវិស័យកសិក-ឧស្សាហកម្ម សេដ្ឋកិច្ចក្រៅប្រព័ន្ធ

Описание: អាជ្ញាធរខេត្តសៀមរាបបង្ហាញថាស្រ្តីបានដើរតួនាទីយ៉ាងសំខាន់នៅក្នុងវិស័យកសិក-ឧស្សាហកម្ម សេដ្ឋកិច្ចក្រៅប្រព័ន្ធ ដែលរួមចំណែកធ្វើឱ្យសេដ្ឋកិច្ចជាតិមានកំណើនជាបន្តបន្ទាប់

ថ្លែងនៅក្នុងពិធីបិទសន្និបាតបូកសរុបលទ្ធផលការងារប្រចាំឆ្នាំ២០២៥ និងការបោះឆ្នោតជ្រើសរើសក្រុមប្រឹក្សាភិបាលអាណត្តិទី៣សម្រាប់ឆ្នាំ២០២៥-២០២៨របស់សមាគមសហគ្រិនស្ត្រីកម្ពុជាសាខាខេត្តសៀមរាបនារសៀលថ្ងៃទី ៣១ ខែតុលា ឆ្នាំ២០២៥នេះ លោក លី សារី អភិបាលរងខេត្តសៀមរាបបានមានប្រសាសន៍ថា ជាការពិតណាស់ ស្រ្តីបានដើរតួនាទីយ៉ាងសំខាន់ នៅក្នុងវិស័យកសិក-ឧស្សាហកម្ម សេដ្ឋកិច្ចក្រៅប្រព័ន្ធ សេវាកម្ម និងបានរួមចំណែកធ្វើឱ្យសេដ្ឋកិច្ចជាតិ មានកំណើនជាបន្តបន្ទាប់ឥតឈប់ឈរ។

ដោយហេតុដូច្នេះហើយទើបរាជរដ្ឋាភិបាល បានកំណត់យ៉ាងច្បាស់ថា ស្រ្តីគឺជា “ឆ្អឹងខ្នងនៃការអភិវឌ្ឍសេដ្ឋកិច្ច និងសង្គម-កិច្ច”។