i Tirataie - Bar da Flora

Описание: BAR DA FLORA
(Bepi, Bus, Ongia)

ore 17 -
torne adeso dal laoro
oto ore ‘nte cantier
pase al bar a ciò ‘l tabak
chesto sì l’e ‘n bon mestier
Giuda can, cate en paesan
che ‘l me dis “bevi ‘n bicer”

ore 19 -
bevi n’ombra bevi n’aotra
già doi ore l’é pasà
tra bagigi e patatine
no ài pi estro de zenà
ma me femena la ciama
mi ghe fae “son drio a lugà”

ma che bel l’è se ‘ntanà
se ‘ntanà ‘nte l’ostaria
dugà a carte e ciacolà
‘ntant el temp el vola via

ore 22 -
l’oste ‘l sbasa le serande
n’altro giro ‘l paghe mi
vede dent girà ‘n mudande
ài fat mal a no men di
spere proprio che ‘l me amor
el s’abe desmentià de mi

mezzanotte -
rive a casa a negra not
stente l’ape a parchegià
se la moglie la é de guardia
calche scusa hai da ‘nventà
me parece par la guera
ma la sente ronzegà

ma chel bel l’è se ‘ntanà
se ‘ntanà ‘nte l’ostaria
dugà a carte e ciacolà
‘ntant el temp el vola via
de la femena se sa
pol venì la nostalgia
almanco l’oste el te la da
nol domanda quasi nia

mezzogiorno -
cola calma me desmisie
encora ‘n cin rincoioni
la me fa “vien a magnà
e che no suziede pi’!”
mi carogna fae ‘l rufian
ghe fae crede che ài capì

ore 20, del di drio -
sempre a move dala Flora
come che fei da tosat
no me cruzie dela moglie
se la sa come che son fat
sai già che ‘l me da magnà
ale pite la ghe l’à trat