Muhabbat Shamayeva | Муҳаббат Шамаева - 2016

Описание: Аййомингиз муборак - Ўзбекистон халқ артисти Муҳаббатхоним Шамаева, 2016 йил Тошкент.

Нафақат бетакрор овози, балки элга садоқатли юраги билан юксак эътирофга сазовор бўлган бу инсон — чинакам устоз, чинакам санъат фидойисидир.

Ўзбекистон телерадиокомпанияси бадиий жамоаларида фаолият кўрсатган. Унинг репертуарида “Танавор”, “Фарғонача” каби халқ оҳанглари, шунингдек, Дони Зокиров, Муҳаммаджон Мирзаев, Манас Левиев, Мухтор Ашрафий каби бастакорлар асарлари алоҳида ўрин тутади. Бу қўшиқларда халқнинг дарди, қувончи, орзуси ва ор-номуси жаранглайди.

Ўзбекистоннинг энг кўзга кўринган композитор ва бастакорлар билан ҳамкорликда бетакрор асарларни ижро этган Муҳаббат Шамаева, турли халқлар маданияти, тиллари ва мусиқасига чуқур ҳурмат билан ёндашган, ўзбек, тожик, озар, турк, эрон, араб, франсуз ва бошқа халқларнинг куйлари орқали санъатда миллатлараро дўстликка хизмат қилган. Бу ёндашув унинг ички бойлиги, бадиий дунёқараши ва инсоний фазилатларининг ёрқин ифодасидир.

Муҳаббат Шамаева — ҳозирги кунларгача санъатни ардоқлаб, океан ортидаҳам миллий санъатимизни тарғиб этишда камарбаста бўлиб келмоқдалар. Уларнинг номи — ҳурмат, садоқат ва илҳом манбаи бўлиб келмоқда.