Rama: Integrimi nuk është lojë politike, ne i kemi votuar ligjet për integrimin-(6 Mars 2012)

Описание: Lajme Arkiva 2012

Kryetari i opozitës ka deklaruar se socialistët janë gati të japin votën e tyre në Kuvend për ligjet me 3/5, përfshirë edhe Gjykatën Administrative, ashtu siç bënë me Kodin Penal. Rama tha se, në ndryshim nga të majtët që po dëshmojnë çdo ditë se e duan integrimin, pala tjetër po vijon të ecë në rrugën e shpifjeve dhe trillimeve, duke fajësuar opozitën se po pengon integrimin.
Edi Rama: “Unë e kam bërë të qartë qysh në nëntor komisionarit Fule se për ne statusi i kandidatit për Shqipërinë nuk është pjesë e lojës politike. Nuk është pjesë e përpjekjes së brendshme mes forcave politike, por është pjesë e vizionit dhe angazhimit tonë në emër të interesave kombëtare të vendit.”
Për Ramën, statusi i vendit kandidat për Shqipërinë është në pritje që maxhoranca të tregojë vullnetin e duhur se vërtet e do atë.
Edi Rama: “Procesi i ligjvënies është vetëm njëra anë e medaljes, ana tjetër e medaljes është procesi qeverisës. Është lufta kundër krimit, lufta kundër korrupsionit, lufta për të pasur një sistem drejtësie funksional. Opozita në këtë proces ka vetëm një gjë në dorë, të marrë pjesë në shkrimin e këtyre ligjeve dhe ta bëjë këtë me të gjitha energjitë e saj morale dhe profesionale. Në rast se edhe pala tjetër do të kishte bërë të njëjtën gjë duke bërë pikë për pikë detyrat e veta si qeveri në procesin qeverisës ne nuk do të kishim mbetur mbrapa Serbisë dhe nuk do ishim sot para një horizonti shumë të ngushtuar.”
Rama ka vlerësuar punën e bërë nga të zgjedhurit socialistë në komisionet parlamentare për amendimin e ligjeve, ndryshime sipas tij cilësore dhe jo arna për t’i hedhur hi syve Bashkimit Europian./tvklan.al

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni n\u00eb faqen https://tvklan.al/video/
Follow Tvklan on Facebook:   / tvklan  
Follow rtvklan on Instagram:   / rtvklan  
Programet e Tv Klan mund t\u2019i ndiqni edhe n\u00eb faqen https://tvklan.al/programe/