അപകടം പതിയിരിക്കുന്ന തിരുനെറ്റിക്കല്ല്. | thirunetti kallu | തിരുനെറ്റിക്കല്ല് | Josegiri | kannur

Описание: അപകടം പതിയിരിക്കുന്ന തിരുനെറ്റിക്കല്ല്. | thirunetti kallu | തിരുനെറ്റിക്കല്ല് | Josegiri | kannur

കണ്ണൂർ ജില്ലയിലെ തിരുനെറ്റികല്ലിനെക്കുറിച്ചു കേട്ടിട്ടുണ്ടോ?
കേരള-കർണാടക അതിർത്തിയോട് ചേർന്ന് മലനിരകളുടെ മനോഹരമായ കാഴ്ചകൾ കണ്ടാസ്വദിക്കാൻ പറ്റിയൊരിടമാണിത്.
കണ്ണൂർ ജില്ലയിലെ കുന്നിൻ മുകളിലെ ഒരു ഗ്രാമമാണ് ജോസ്ഗിരി അതിനും മുകളിലാണ് കോടമഞ്ഞു മൂടുന്ന തിരുനെറ്റിക്കല്ല്!!!ഇവിടുത്തെ കോടമഞ്ഞും മനോഹരമായ വ്യൂപോയിന്റും നൽകുന്ന അനുഭൂതി ഒന്ന് വേറെ തന്നെയാണ്.

അതിരാവിലെയാണ് തിരുനെറ്റിക്കല്ല് സന്ദർശിക്കാൻ പറ്റിയ സമയം. രാവിലെതന്നെ എത്തുകയാണെങ്കിൽ കോടമഞ്ഞിൽ പുതച്ചുകിടക്കുന്ന മലനിരകൾ കാണാം.

കണ്ണൂർ ജില്ലയിലെ ഉയരം കൂടിയ പ്രദേശങ്ങളിൽ ഒന്നാണ് ജോസ്ഗിരി.ജോസ്ഗിരിയിൽ നിന്നും വെറും 2കിലോമീറ്റർ മാത്രമാണ് തിരുനെറ്റിക്കല്ലിലേക്ക്. ഇവിടെ നിന്നും നോക്കുകയാണെങ്കിൽ കണ്ണൂരിന്റെ സമീപപ്രദേശങ്ങളും കർണാടക മലനിരകളും നമുക്ക് കാണാൻ പറ്റും.

ഓഫ്‌റോഡ് യാത്ര ഇഷ്ടപ്പെടുന്നവർക്ക് തിരുനെറ്റിക്കല്ല് നല്ലൊരു ഡസ്റ്റിനേഷൻ ആണ്.കുറച്ചു ഓഫ്‌റോഡും കുത്തനെയുള്ള കയറ്റവും കഴിഞ്ഞ് നമുക്ക് തിരുനെറ്റികല്ലിന്റെ അടുത്തെത്താം.

പേരുപോലെതന്നെ വലിയൊരു ഉരുളൻ കല്ലാണിത്. അതിനു മുകളിലേക്ക് കയറാനായി ഒരു ഏണി കൂടി ഉണ്ട്. അതിനു മുകളിൽ കയറിയാലാണ് നയന മനോഹരമായ കാഴ്ച നമുക്ക് കാണാൻ സാധിക്കുക. ഈ കല്ലിനു തോട്ടു സമീപത്തായി മറ്റൊരു പാറക്കെട്ടു കൂടിയുണ്ട്.. പക്ഷെ അതിനു മുകളിൽ കയറാൻ സാധിക്കുകയില്ല.

സമുദ്രനിരപ്പിൽ നിന്നും 2300 അടി ഉയരെയാണ് തിരുനെറ്റി കല്ലിന്റെ സ്ഥാനം. ഇവിടെ കയറാൻ ടിക്കറ്റോ കാര്യങ്ങളോ ഒന്നും തന്നെയില്ല.
How to reach

ചെറുപുഴയിൽ നിന്ന് 19 കിലോമീറ്റർ ദൂരമാണ് ജോസ്ഗിരിയിലേക്ക്. ചെറുപുഴ– കോഴിച്ചാൽ – രാജഗിരി വഴിയും തളിപ്പറമ്പിൽ നിന്ന് ആലക്കോട് – ഉദയഗിരി വഴിയും ജോസ്ഗിരിയിലെത്താം. ഇവിടെ നിന്ന് 2 കിലോമീറ്റർ അകലെയാണ് തിരുനെറ്റിക്കല്ല്. ഇരുചക്ര വാഹനങ്ങൾ, ജീപ്പ് പോലുള്ള ഓഫ്റോഡ് വാഹനങ്ങളാണ് ഇവിടേക്കുള്ള യാത്രയ്ക്ക് അനുയോജ്യം. വാഹനങ്ങളിൽ പോയാലും മലമുകളിലെത്താൻ നടക്കുക തന്നെ വേണം.

#travel #thirunettikkallu #travelbeenivedya #josegiri #kannur #kannurtourism #hillstation