Milena & Don Friso - Einzigartigkeit (Live Video)

Описание: De Song "Einzigartigkeit" live performt vode Milena ond Don Friso ufem vonRoll Areal in Bärn.

Video: Roger Langenegger (IG: roger_langenegger)
(Merci för die wonderschöne Ufnahme!)

Don Friso. Konstruktive, geistriiche Alternative Mundart.

Ech be emmer offe för cooli Projekt ond freu mi vo der z ghöre 🙌

[email protected]
  / donfriso  
https://open.spotify.com/artist/2MiLA...
https://linktr.ee/donfriso

============= Lyrics:

Imne Buch treid
9 Mönet im warme Wasser igleid
Langsam gwachse Stöck för Stöck
Bises äng werd, bises dröck
ond du use wetsch i die Wäut
oder mer dech nemmt, wöus ergendwie chlemmt
Jo scho do chasches xe
du besch einzigartig ond no vöu meh

Ech froge s'Gras, wo näb de Stäge wachst
jede Halm es Unikat, wi mini Läbens-Achs
So vell Wenk ond Füegige als Vergangeheit
"Weli Wend händ üch bes id' Galvanik dreiht?"
ond si brechted
vo sommerleche Gwetter
de Sorg om eri Chender
em Flog bes hender's Getter
send froh om Zentimeter
wo si damals gschafft hend
eine weniger, es hätt' si scho lang i Schacht gschwemmt

Ech verzell' der e Gschecht
wo jede Mönsch in sech treit
ond somet alli vereint:
D'Gschecht vode Einzigartigkeit
(2x)

Hesch dech scho mou gfrogt
Weroms of de ärde so zue ond här god?
Werom du besch wer du besch?
Nämlech du säuber, ond ned die am Nochberstesch
Met allne Egge, allne Kante, allne Korve, allne Löcher
Allne Gsechter, Gschechte, Schechte, Wunde, Wunder noch ond nöcher...?

Mer send alli glich, indem mer alli anderst send
Jede Halm bewiist's, wonech i brache Spalte fend'
mer wend Liecht ond Liebi ond chli Nährstoff
dass d'Wält ziersch, floriersch ond gedeihsch trotz
allne wedrige Omständ ond Nochteil
nor e halbe Meter vom onerträgleche Bordstei
entfärnt erklärt, wie_so dis Läbe anderst läbsch
du ghörsch en andere Ton, wenn näbem Pflaster chläbsch

Ech verzell' der e Gschecht
wo jede Halm in sech treit
ond somet alli vereint:
D'Gschecht vode Einzigartigkeit

Ech verzell' der e Gschecht
wo jede Mönsch in sech treit
ond somet alli vereint:
D'Gschecht vode Einzigartigkeit

Stöu der doch mou vor, wenn mer
d'Einzigartigkeit vo jedem Mönsch fiired
wie sech denn Stärchene chönd entweckle
anstatt dass mer nor öber Fähler liired
Das Potential wo sech do entfacht
ond wöu mer so vöu send grad verföufacht
säg, esch das ned e onglaublech schöni Pracht?