Рамазан айына дайындық басталды

Описание: Рамазан айына қоғамдық тамақтану орындары дайындықтарын бастап кетті. Мейрамханалар мен дәмханалар Оразаға арнайы мәзір әзірлеп, қосымша қызметкерлер тартып жатыр. Тіпті кей ішімдік сататын орындар да уақытша бағытын өзгертуге кіріскен. Жалпы, биыл ауызашардың бағасы бес мыңнан басталып, 12 мың теңгеге дейін жетеді. Оның құрамына тәтті десерт кіре ме? Мәзірде қандай тағам түрлері бар? Әріптесім Махаббат Нұржанқызы анықтап келді.
Атыраудағы дәмханаларда Рамазан айына дайындық қызу. Көп жерлерде талғамыңыз бен қалтаңызға қарай ас мәзірінің бірнеше түрі бар. Тапсырысты қазірден бастап алып жатқан кәсіпкерлер Оразада клиент күтуге сақадай саймыз деп отыр.
ЖАНБОЛАТ АҚБАЛИЕВ, кәсіпкер:
Рамазан айына дайындаған ас мәзірімізде көп қолданатын тағамдардың бірі қуырдақ, плов және нарын, суп сондай ғана қойып жатырмыз қолжетімді бағамен. Қосымша поварлар алатын боламыз. Өйткені келген адамдар ауызашарға тез-тез уақыт сұрайды. Сондықтан біз тез беруге міндеттіміз.
МАХАББАТ НҰРЖАНҚЫЗЫ, тілші:
Елдегі мейрамхана мен дәмханаларда ауызашар бағасы әр түрлі. Қазір бір адамға арналған мәзір құны 5 мың теңгеден басталып, 12 мың теңгеге дейін барады. Ал кейбір мейрамханалар мен банкет залдарында арнайы ауызашар мәзірі қарастырылмаған. Ондай жағдайда дастархан тапсырыс берушінің қалауы бойынша жасалады.
АРАЙЛЫМ НҰРЛАШ, мейрамхана қызметкері:
Келген қонақтарымыз менюді өзі таңдайды. Қанша тамақ қояды, қанша ыстық тамақ қояды, сусындар. Ешқандай шектеу жоқ. Соған байланысты біз менюді есептеп береміз. Содан кейін ораза айына байланысты бір ай көлемінде 20 пайыз жеңілдік болады. Көбісі сол қуырдаққа тапсырыс береді. Өткен жылы қуырдақ самый жақсы өтімді болды.
Кәсіпкерлердің айтуынша, Рамазан айында ауызашар уақытында орын тапшылығы жиі байқалады. Әсіресе демалыс күндері мен жұма күндері мейрамханалар лық толады. Сондықтан ауызашарды сыртта өткізуді жоспарлаған адамдарға алдын ала тапсырыс беру керек кеңес береді.
#Информбюро #31арна #БастыЖаңалықтар #Новости #31канал