أمين فارسي & عمارراب - يا جده لا ما أنسى 🔴Amarap

Описание: يـا جـدة لا مـا انـسى Amarap & امين فارسي

كلمات الاغنية

البارت الأول :


هاذي القصة للأسف بحكيها بصوتي المقهور
خلت بركان القهر إلي في داخلي يثور


كان الثامن من ذو الحجة هو الموعد الحزين
يوم مصيبة عام الألف وأربع مية وثلاثين


اللهم لا اعتراض هذا القدر وإلي أنكتب
بس القهر لما يكون الإهمال هو السبب


أنا ما أطالب بالعوض لأنو العوض على الله
لكن كل إلي أبغاه ـ من قلبي أتمناه


هي مجرد أسئلة للمسئول المجهول والمذهول من إلي صار
هل جهزتَ الأعذار؟ ـ هل سخطَ الاعتذار؟


هل حطيت نفسك مكان إلي عاشوا هذا القصة؟
أو مكان أي أم شافت ولدها جثة؟


أنا أسألك بالله على لسان كل شهيد كل غريب في السيول
من إلي مسعفهم العوم؟
هل انته مرتاح فعلا؟ هل بإيجيك النوم؟
هل لقيت أي جهة ترمي عليها اللوم؟


هل صحيح فيك الضمير ولا باقي ما اكتفيت؟
هل أخذت إلي تبغاه؟ هل شبعت؟ كم لميت؟
كم روح راحت؟ كم دمرت من بيت؟
جاوبني هل اكتفيت؟


البارت الثاني :


إلي حصل باختصار جريمة لا تغتفر
نقطة سودة ـ على ثوب عروس البحر


الكل صار مستغرب فين بتروح المليارات
مشاريع ليل نهار على مدار الساعات


فين الثقة يا أهل الثقة؟ فين الوفى؟
هل باقي فيكم خير ولا انطفى؟


الحكومة ما بتقصر لا بدعم ولا بالمال
قولوا ليش صارت جدة ضحية هذا الإهمال


المدينة السياحية للأسف بلا تصريف
أحياء تغرق وأرواح تزهق والأموات بالكُم والوضع فعلا مخيف
وانته مآخذ منصبك تشريف ما هو تكليف


هل فعلا الفساد انتشر فينا وساد؟
هل ارتسمت البسمة على أشفاه الحساد؟


لكن هانت ـ أبو متعب موجود
حط عينه عليكم يعني وقتكم محدود


كل مقصر راح يتجازَ راح يتحاسب إلي يخون
لو صغير أو كبير لو يكون من يكون


ترى كلها أيام حتبانوا وتظهروا
هذا الوطن ما هو سلعة تبعوا فيها وتشتروه


البارت الثالث :


الهدف من كلامي ما هو مجرد اعتراض
لأنو هدف انتقاد يحد من الأعراض


والكل يعرف ايش أعراض الفساد
إلي صار اليوم علينا أشد من الإرهاب


الطمع والجشع دخل في القلوب الحية
والممنوع صار مشروع ـ وبلادنا الضحية


هذا المملكة ـ هذا الصرح والكيان
كيف تسمح لك نفسك ترضى عليها الأذية؟
ولآت الأمر أعطوك الأمان


حطوا فيكَ الثقة حطوا كامل الحرية
ما حد قصر معاك ما حد رجع وراك


قول لي ايش إلي خلاك إنك تخون الأمانة؟
قول لي ايش إلي أغواك وأجبرك على الخيانة؟


لكن جاك الأجل خلاص حانَ الأوان
لازم تدفع الحساب كما تدين تدان
لازم يرجع كل شي من بعدك زي ما كان


لازم تنظف البلد من أشباه المسئولين
لأنو مال هذا الوطن ما هو لعبة في الإيدين
خيانة الأمانة على مرئة من العين
ما يرضاها لا إنسان ولا وطن ولا دين


الكورس:


يفداكي قلبي وروحي
زادت يا جده جروحي
يا جده لا ما أنسى

ما أنسى مر ألامك
وإلي خانوا ما صانك
يا جده لا ما أنسى



معلومات عن الفنان:
اسمه الحقيقي : عمار
اسم الشهرة : AmaRap - عماراب
معنى النك نيم: Amar rap تم دمجها فاصبحت Amarap


معلومات الاغنية:

اسم الاغية: يـا جـدة لا مـا انـسى
غنـاء: AmaRap
لحن : AmaRap
كلمات: AmaRap
الفيرسات: Amarap
الكورس: الفنان السعودي امين فارسي
انتاج Visualizit فيجيولايزت للانتـاج الفني و الاعلامي
تم تسجيل الاغنية في استديوهات Visualizit بـجدة