കഥയിലെ പുതിയ രാഷ്ട്രീയധ്വനികൾ | Vinod Krishna, VH Nishad, VK Jobish, Dr Jisa Jose, Dr PT Abdul Azeez

Описание: #wlf #wlf2024 #wayanad #litfest #literaturefestival #wayanadlitfest #wayanadliteraturefest #wayanadliteraturefestival #keralaliterarturefestival #keralatourism #wayanadtourism #kerala #malayalam #malayalamliterature #shortstory #shortstories #malayalmstories #malayalamwriter #politics #politicsinliterature

കഥയിലെ പുതിയ രാഷ്ട്രീയധ്വനികൾ
പാനലിസ്റ്റുകൾ: വിനോദ് കൃഷ്ണ, വി എച്ച് നിഷാദ്, വി കെ ജോബിഷ്, ഡോ. ജിസ ജോസ്
മോഡറേറ്റർ: ഡോ. പി. റ്റി. അബ്ദുൽ അസീസ്

The Political Undertones of Short Stories
Panellists: Vinod Krishna, V.H. Nishad, V.K. Jobhish, Dr. Jisa Jose
Moderator: Dr. P. T. Abdul Azeez


ഏറ്റവും പ്രഹരശേഷിയുള്ള സമകാലിക സാഹിത്യ രൂപങ്ങളിൽ ഒന്നാണ് ചെറുകഥ. തങ്ങൾ ജീവിക്കുന്ന കാലത്തെ രാഷ്ട്രീയം ചെറുകഥകളിൽ കലരുന്നതെങ്ങനെയെന്ന് ചില എഴുത്തുകാർ അന്വേഷിക്കുകയാണ്. ഡോ.പി.ടി അബ്ദുൽ അസീസ് മോഡറേറ്ററായ സെഷനിൽ കഥാകൃത്തുക്കളായ വിനോദ് കൃഷ്ണ, വി. എച്ച്. നിഷാദ്, ഡോ. ജിസാ ജോസ് എന്നിവരും നിരൂപകൻ വി കെ ജോബിഷും തങ്ങളുടെ രാഷ്ട്രീയ രചനാ / വായനാനുഭവങ്ങൾ പങ്കു വെക്കുന്നു:


വിനോദ് കൃഷ്ണ

മലയാളത്തിലെ പ്രശസ്തനായ എഴുത്തുകാരനും സിനിമാപ്രവർത്തകനുമാണ് വിനോദ് കൃഷ്ണ. ‘കണ്ണുസൂത്രം’, ‘ഉറുമ്പ് ദേശം’ എന്നിവ കഥാസമാഹാരങ്ങൾ. ‘9 mm ബെരേറ്റ’ ആദ്യ നോവൽ. ‘ബേപ്പൂർ കേസ്’ എന്ന പേരിലുള്ള കഥാസമാഹാരവും പുറത്തിറങ്ങിയിട്ടുണ്ട്. ‘13 സെന്റ്’ എന്ന കഥാ സമാഹാരത്തിന്റെ എഡിറ്ററാണ്.

ശില്പകലയും കവിതയും ഇഴുകിച്ചേരുന്ന പുതിയ സാങ്കേതികതയായ ‘പോയട്രി ഇൻസ്റ്റലേഷൻ’ എന്ന നവീന കലാരൂപത്തിന്റെ ശിൽപ്പി കൂടിയാണ് വിനോദ്. നിരവധി വിശ്വകവികളുടെ ത്രീഡി പോയട്രി ഇൻസ്റ്റലേഷൻ വിനോദ് അവതരിപ്പിച്ചിട്ടുണ്ട്.

ദേശീയ അന്തർദേശീയ അംഗീകാരങ്ങൾ നേടിയ രണ്ട് ചിത്രങ്ങളാണ് വിനോദ് പുറത്തിറക്കിയത്. ആഗോളവത്കരണവിരുദ്ധ ഹ്രസ്വചിത്രമായ മയ്യൻകാലം 2003-ൽ റോഡ് വാട്ടർ ഫോറം ആന്റ് ഫിലിം ഇവന്റ് മെക്സിക്കോ, വേൾഡ് സോഷ്യൽ ഫോറം- മുംബൈ, ടൊറണ്ടോ ഇൻഡിപെൻഡന്റ്റ് ഫിലിം ഫെസ്റ്റിവൽ എന്നിവിടങ്ങളിൽ ഒഫിഷ്യൽ എൻട്രി നേടി. 2020-ൽ പുറത്തിറങ്ങിയ ചിത്രം ഈലം ഹോളിവുഡിലെ ഗോൾഡൻ സ്റ്റേറ്റ് അന്താരാഷ്ട്ര ചലച്ചിത്രോത്സവത്തിൽ ബെസ്റ്റ് ഇൻ്റർനാഷണൽ ഫീച്ചർ ഫിലിം അവാർഡും പ്യൂട്ടോറിക്കോയിലെ ബയമോൺ അന്താരാഷ്ട്ര ചലച്ചിത്രോത്സവത്തിൽ ജൂറി പ്രൈസും നേടി. ചെറുകാട് അവാർഡ്, ടി. കെ. സി വടുതല അവാർഡ് എന്നിവയും നേടിയിട്ടുണ്ട്.


വി. എച്ച്. നിഷാദ്

അധ്യാപകൻ, കഥാകൃത്ത്, മാധ്യമപ്രവർത്തകൻ എന്നീ നിലകളിൽ ശ്രദ്ധേയനായ, കഴിഞ്ഞ മൂന്ന് പതിറ്റാണ്ടായി സർഗാത്മക ജീവിതം നയിക്കുന്ന എഴുത്തുകാരനാണ് വി എച്ച് നിഷാദ്. പരിസ്ഥിതിയും മനുഷ്യസ്ഥിതിയും സ്ത്രീജീവിതാവസ്ഥകളും ഇടം നേടുന്ന കഥാലോകമാണ് നിഷാദിന്റേത്. WLF-ന്റെ ക്യൂറേറ്റർമാരിൽ ഒരാളും കഥകളിൽ പുതിയ പരീക്ഷണങ്ങൾ നടത്തുന്ന പുതുതലമുറ എഴുത്തുകാരനുമായ വി എച്ച് നിഷാദ് വാൻഗോഗിന്റെ ചെവി, മലാല ടാക്കീസ്, ആതിരാ സൈക്കിൾ, മിസ്സിസ് ഷെർലക്ക് ഹോംസ്, എന്നിങ്ങനെ നിരവധി കഥാസമാഹാരങ്ങളും ‘മൂന്ന്’, ‘ഏകാന്തതയെക്കുറിച്ച് ഒരു നോവൽ കൂടി’, ‘അനിതാ വയലറ്റ്’ എന്നീ നോവലുകളുമടക്കം 25 -ഓളം പുസ്തകങ്ങൾ രചിച്ചിട്ടുണ്ട്.


ജിസ ജോസ്

മലയാളത്തിലെ ഏറ്റവും ശ്രദ്ധേയരായ എഴുത്തുകാരിലൊരാളാണ് കോളേജധ്യാപിക കൂടിയായ ജിസ ജോസ്. ഇപ്പോൾ കുന്നമംഗലം ഗവ. ആർട്സ് & സയൻസ് കോളേജ് പ്രിൻസിപ്പളാണ്. വിവിധ സാഹിത്യശാഖകളിൽ ജിസ ജോസ് രചനകൾ നിർവഹിച്ചിട്ടുണ്ട്. മുദ്രിത, ഡാർക്ക് ഫാന്റസി, ആനന്ദഭാരം, മുക്തിബാഹിനി, ബ്ലൂ ബെറീസ് തുടങ്ങിയ നോവലുകളും, ‘സർവ്വ മനുഷ്യരുടെയും രക്ഷയ്ക്കു വേണ്ടിയുള്ള കൃപ’, ‘ഇരുപതാം നിലയിൽ ഒരു പുഴ’, ‘പുഷ്പകവിമാനം’ തുടങ്ങിയ കഥാസമാഹാരങ്ങളും പുറത്തിറങ്ങിയിട്ടുണ്ട്.

സാഹിത്യ നിരൂപണരംഗത്തും ജിസ ജോസ് ശ്രദ്ധേയമായ ഇടപെടലുകൾ നടത്തിയിട്ടുണ്ട്. ‘സ്വന്തം ഇടങ്ങൾ’, ‘സ്ത്രീവാദ സാഹിത്യം മലയാളത്തിൽ’, ‘സ്ത്രീവാദ സൗന്ദര്യശാസ്ത്രം – പ്രയോഗവും പ്രതിനിധാനവും’ എന്നീ പഠനഗ്രന്ഥങ്ങൾ ജിസ രചിച്ചിട്ടുണ്ട്. കവിതയിലും തന്റെ സാന്നിധ്യം ഉറപ്പിച്ച ‘പ്രണയത്തിന്റെ പുസ്തകം’ എന്ന കവിതാസമാഹാരം ഏറെ ശ്രദ്ധേയമായി. നോവൽ, കഥ, കവിത, നിരൂപണം തുടങ്ങിയ സാഹിത്യശാഖകളിലുള്ള കൃതികളിലൂടെ ശ്രദ്ധേയമായ സാഹിത്യപ്രവർത്തനമാണ് പ്രൊഫ. ജിസ് ജോസ് നല്കിക്കൊണ്ടിരിക്കുന്നത്.


വി.കെ.ജോബിഷ്

പ്രശസ്തനായ നിരൂപകനാണ് വി.കെ. ജോബിഷ്. ആനുകാലികങ്ങളിലും ഓൺലൈൻ പ്ലാറ്റ്ഫോമുകളിലും കലാ വിമർശം ചെയ്തുവരുന്നു . സാഹിത്യം, ചലച്ചിത്രം തുടങ്ങിയ മേഖലകളിൽ നിന്നുള്ളവരുമായി നിരവധി അഭിമുഖങ്ങൾ പ്രസിദ്ധീകരിച്ചിട്ടുണ്ട്.

തലശേരി ഗവ: ബ്രണ്ണൻ കോളെജ്, ഫറൂഖ് കോളെജ്,കാലടി ശ്രീശങ്കരാചാര്യ സർവകലാശാല എന്നിവിടങ്ങളിൽ വിദ്യാഭ്യാസം. ചലച്ചിത്ര പഠനത്തിൽ എം ഫിൽ പൂർത്തിയാക്കി. കാലടി സർവകലാശാലയിൽ നിന്ന് പാർട് – ടൈമായി പി എച്ച് ഡി ചെയ്തു വരുന്നു.

ഇപ്പോൾ വയനാട് കുഞ്ഞോം ഗവ: ഹയർ സെക്കണ്ടറി സ്കൂളിൽ അധ്യാപകനായി ജോലി ചെയ്യുന്നു.


കഥയിലെ പുതിയ രാഷ്ട്രീയധ്വനികൾ | Vinod Krishna, VH Nishad, VK Jobish, Dr Jisa Jose, Dr PT Abdul Azeez





Support us: www.wlfwayanad.com/donation/

To engage with us, Like and Subscribe :
www.instagram.com/wlfwayanad
www.facebook.com/WLFwayanad
www.x.com/WLFwayanad
www.youtube/‪‪@WLFwayanad‬