خضار بدال الجدار: ليش بنفضل نستخدم النباتات كسور + أنواع النباتات المناسبة

Описание: يمكنكم حجز جلسة إستشارة عناية بالنباتات معي (أونلاين أو وجه لوجه) بنعالج فيها نباتاتكم ما بعض وبعطيكم معلومات عن العناية بنباتاتكم.
إحجز إستشارتك الآن من اللينك:
https://olasdetails.setmore.com/olasd...


ليش بنفضل نستخدم النباتات كسور؟
استخدام النباتات كسور مو بس ديكور… هو حل عملي جدًا وله فوائد كبيرة:
بتعطينا خصوصية للشرفة أو الحديقة من غير ما تحجب الضوء أو المنظر.
بتمتص ضجيج السيارات القادمة من الشارع أو ضجيج الجيران.
بتخفف كمية الغبار يلي بتدخل لحديقتنا أو بلكونتنا وبتنقّي الجو.
بتساهم بخفض حرارة المكان وزيادة الرطوبة، خاصة بالصيف.
بتجذب الطيور والفراشات، فتعطي حياة للمكان.
بتساعد على الاسترخاء وبتحس حالك جالس وسط الطبيعة، حتى لو كنت بوسط المدينة.

كيف نختار نباتات مناسبة للاستخدام كسور؟
وقت بدنا نختار النبات أول شيء بنفكر فيه هو كمية الشمس اللي بتوصل للمكان، هل البلكونة أو الحديقة بتتعرض لشمس مباشرة أغلب اليوم؟ ولا هي مكان ظل أو نص ظل؟
خلونا نذكر بعض أنواع النباتات المناسبة حسب الإضاءة المتوفرة:
نباتات مناسبة نستخدمها كسور للبلكونتات/الحدائق المشمسة، نباتات بتتحمل الشمس القوية
نبات مزهر: المجنونة/الجهنمية/Bougainvillea: بتعطي ألوان مبهجة جداً (زهري، بنفسجي، أبيض)، بس بدها شويّة دعم (زي تعريشة).
السرو ليلاند: يفضل الشمس الكاملة (6 ساعات أو أكثر يوميًا) لكنه يتحمّل الظل الجزئي، أوراقها دائمة الخضرة كثيفة، تشكل جدار أخضر سميك ممتاز للخصوصية وكسر الرياح. يتحمل القص والتشكيل مما يجعله مناسب للزراعة في الحدائق أو في أصص كبيرة على البلكونة.

نباتات نصف ظلية:
الفيتونيا الحمراء/photinia fraseri: تتحمل الشمس المباشرة ولكن يفضل تكون بمكان نصف ظلي، نبات دائم الخضرة أوراقها خضراء لامعة، والنموات الجديدة حمراء زاهية، مما يعطيها مظهر جذّاب. مناسبة جدًا كـ سياج أو سور طبيعي، لأنها كثيفة وسهلة القص. تتحمل التقليم بشكل ممتاز ويمكن تشكيلها.
سور قصير: نبات المرجان/Euonymus: بيُزرع بكثرة كسياج نباتي لأنه, دائم الخضرة، كثيف، سهل القص والتشكيل، بيتحمّل البرد المعتدل والحر.

نباتات ظلية:
القرطاسية

الهيدرا/اللبلاب: يمكن استخدامه كسياج متسلق، مثالي لتغطية شبك أو جدار على البلكونة. يفضّل الظل أو الظل الجزئي لذلك هو مثالي للجهات الشمالية أو الشرقية. يتحمّل الشمس المباشرة الخفيفة (مثل شمس الصباح)، لكن الشمس القوية في الصيف قد تحرق أوراقه.


حساباتي
Instagram:   / ola.bavarsi  
TikTok:   / olabavarsi  
  / olabavarsi  

#العناية_بالنباتات #نباتات_الزينة #نباتات_داخلية