Govt Stops 10 Minute Delivery Limit By Swiggy, Zomato & Others

Описание: #Munsif #MunsifNews #MunsifNews24x7 #MunsifDaily #MunsifHyderabad #MunsifIndia #TelanganaNews #hyderabadnewschannel

Mulk mein 10 minute delivery dene wali apps jaise Blinkit, Zepto, Swiggy aur Zomato par ab sanjeeda sawalat uthne lage hain. Gig workers aur delivery agents ka kehna hai ke 10 minute delivery target ki wajah se unpar behad zyada dabao dala ja raha hai.

Delivery agents ke mutabiq waqt par delivery na hone ki surat mein penalty, rating down aur incentives mein kami hoti hai, jis ke sabab woh tez raftari se gaari chalane par majboor ho jate hain. Is se road accidents ka khatra bhi barh jata hai.

Gig workers ne yeh bhi shikayat ki hai ke unhein insurance, health cover aur job security jaisi bunyadi sahulatain hasil nahi hain. Isi masle par pichhle mahine mulq bhar mein gig workers ne strike aur protest bhi kiya tha.

Is muamle par Central Government ne bhi sanjeedgi dikhate hue notice liya. Markazi Wazir-e-Mazdoori Mansukh Mandaviya ne delivery companies ke representatives ke sath meeting ki aur hidayat di ke gig workers par ghair zaroori pressure na dala jaye.

Sarkari hidayat ke baad Blinkit ne sab se pehle qadam uthate hue 10 minute delivery feature hataane ka faisla kiya hai. Company ka kehna hai ke delivery mein taakhir ka matlab nahi, balkay maqsad delivery agents par pressure kam karna hai.

Ab yeh dekhna baqi hai ke kya Swiggy, Zomato aur Zepto bhi isi raah par chalte hain aur kab gig workers ko behtar safety aur insurance sahulatain milti hain.

Puri update aur tajziya ke liye video dekhiye.

#10MinuteDelivery #GigWorkers #Blinkit #Swiggy #Zomato #Zepto #LabourRights #BreakingNews #IndiaNews #DeliveryApps