მსოფლიო მართლმადიდებელი ეკლესიების კრება კუნძულ კრეტაზე

Описание: საბერძნეთის კუნძულ კრეტაზე მსოფლიო მართლმადიდებელი ეკლესიების დიდი და წმინდა კრების პირველი შეხვედრა ჩატარდა.

პირველ კრებას, რომელსაც კონსტანტინოპოლის პატრიარქი ბართლომე ხელმძღვანელობდა, 170-მდე დელეგატი დაესწრო. მათ შორის იყვენენ ალექსანდრიისა და სრულიად აფრიკის პარტიარქი თეოდოროსი, ჩეხეთისა და სლოვაკეთის არქიეპისკოპოსი რასტისლავი და კვიპროსის არქიეპისკოპოსი ქრისოსტომოსი.

დიდი და წმინდა კრების ფარგლებში, ოფიციალური ტრაპეზი გაიმრთა, რომელსაც საბერძნეთის პრეზიდენტიც დაესწრო.

კონსტანტინოპოლის პატრიარქმა ეკლესიისა და სახელმწიფოს თანამშრომლობის მნიშვნელობაზე ისაუბრა და აღნიშნა, რომ კრებას წინ უძღოდა ღვთისმსახურება, რომელიც მსოფლიო პატრიარქმა აღავლინა.

მართლმადიდებლურ კრებას, რომელიც 787 წლის შემდეგ პირველად იმართება, მსოფლიოს სხვადასხვა ქვეყნიდან 170-ზე მეტი ეპისკოპოსი ესწრება. თუმცა, მასში მონაწილეობას არ იღებენ საქართველოს, ბულგარეთის, რუსეთისა და ანტიოქიის მართლმადიდებელი ეკლესიების წარმომადგენლები.

დიდი და წმინდა კრება 27 ივნისამდე გაგრძელდება.