Video Akampamentu Juventude CVTL JUPRO loron dahuluk - CVTL Youth Camp JUPRO Day One

Описание: Cruz Vermelha de Timor-Leste ka CVTL organiza Akampamentu Interkambiu Juventude Internasional durante loron hat nia laran husi dia 18 to’o 23 de Junu de 2023, ho nia tema Asaun Umanitariu ne’ebé efetivu liu no sustentabilidade, iha Aldeia Darasula, Suku Gariuai Munisipiu Baucau.

Partisipantes ba akampamentu ne’e mai husi Juventude CVTL inklui parseiru juventude lokal sira mak hanesan ADTL, JHN, TILOFE, no partisipantes sira husi sosiedade nasional sira seluk mak hanesan Indonesia, Singapore no Korea.

Interkambiu ida ne’e iha atividades oin-oin mak hanesan, kapasitasaun ba juventude sira liu husi sesaun idak idak, Komunikasaun, Foti Desizaun, Diseminasaun, Formasaun Lideransa, Saude Reprodutiva, Formasaun be mos no Saneamentu, Resiklajem, Mudansa Klimatika, Redusaun Risku Dezastre, Atividade Inklusaun, Nutrisaun Aihan, Promove Fatin Turistiku, Prevensaun Saude Basiku, Mobilizasaun Doasaun Ran, Internet Saudavel Iha mos atividade exersisiu, Kompetisaun Simulasaun Emerjensia, Rescue, dapur jeral, hari tenda diak liu, dansa tradisional, muzika, desportu, Exposisaun Aihan Local no Vestuario Tradisional.

Objetivu husi akampamentu ne’e mak fo oportunidade ba juventude sira atu desenvolve an nune’e sira bele sai membrus produtivo ba komunidade ne’ebe resiliente no lideransa ne’ebe profesionalismu. Sira mos bele halao knar no responsabilidade atu suporta misaun CVTL, katak hakruk no halo tuir valores umanitarius no espiritu voluntarius atu alevia no hamenus maluk ne’ebe terus.

Akampamentu ida ne’e halao liu husi servisu hamutuk entre Sekretáriadu Estadu Juventude no Desportu, Cruz Vermelha Korea, Cruz vermelha Singapore, Cruz Vermelha Italia, Cruz Vermelha Australia hodi fo apoiu orsamentu ba realiza akampamentu Juventude Voluntáriu Cruz Vermelha de Timor-Leste.