გაიცანით "სკამერი"

Описание: მდიდრული ქორწილი, Cartier-ის სამაჯური, რომელიც ათასობით ევრო ღირს, თავბრუდამხვევი მოგზაურობები და საოცნებო "შოპინგი"... - ასეთია ქართველი "სკამერების" ცხოვრება.

საქართველოში მოქმედ ქოლ-ცენტრების ინდუსტრიას 8 თვის განმავლობაში 32 სხვადასხვა მედიის ჟურნალისტი ვიძიებდით. შვედეთის საზოგადოებრივ მაუწყებელს წყარომ მიაწოდა ორ ტერაბაიტამდე მოცულობის მასალა, სადაც თავმოყრილი იყო თბილისში მდებარე ქოლ-ცენტრიდან გაჟონილი მონაცემები.

შვედეთის საზოგადოებრივმა მაუწყებელმა მასალა OCCRP-ს და საერთაშორისო მედიებს გაუზიარა. “აი, ფაქტი” როგორც OCCRP-ს ქსელის წევრი, ამ გზით ჩაერთო ქოლ-ცენტრების ამბის გამოძიებაში. სწორედ შვედი ჟურნალისტების მიერ მოპოვებული მასალების გამოკვლევითა და ანალიზით მოვახერხეთ თაღლითების გამოაშკარავება.

სტატიის ნახვა შეგიძლიათ შემდეგ ბმულზე: https://ifact.ge/gaitsanit-skameri/

#scammer #investigations #investigativejournalism #finance #georgia

შენიშვნა: 1. ვიდეოში ნახსენებია, რომ ძვირადღირებული რეინჯ როვერი მერი შოთაძის სახელზე იყო გაფორმებული. ვიდეოს გამოქვეყნების შემდეგ ვიპოვეთ ეს მექანიკური შეცდომა და აქვე გაცნობებთ, რომ მანქანა რეგისტრირებულია აკაკი ქევხიშვილის სახელზე.

2. A.K. Group-ის კორპორატიულ საღამოზე დაქირავებული წამყვანები და მოცეკვავეები ქოლ-ცენტრთან კავშირში არ არიან და შესაძლოა, არც ჰქონოდათ ინფორმაცია კომპანიის ნამდვილ საქმიანობაზე.

3. გიფერის ტექნიკური ხარვეზის გამო, კორპორატიული ღონისძიების ფოტოებზე შეცდომით მითითებულია კომპანიის სახელი, რომელსაც კავშირი არ აქვს არც ქოლ-ცენტრთან და არც მათ კორპორატიულ წვეულებასთან.