Waziri wa Madini, Anthony Mavunde awaonya wanaotorosha Madini 'Tutawakama wengi sana'
Автор: SamMisago
Загружено: 2025-11-21
Просмотров: 465
Описание:
Waziri wa Madini, Anthony Mavunde, amesema kuwa licha ya juhudi kubwa za Serikali katika kuimarisha usimamizi wa sekta ya madini, bado kumekuwa na mianya ya utoroshwaji wa madini nchini. Amesema wizara kwa kushirikiana na vyombo vya ulinzi na usalama inaendelea kuimarisha mifumo ya udhibiti ili kuhakikisha wote watakaokamatwa kwa tuhuma hizo wanachukuliwa hatua kali za kisheria.
Mavunde amesema hayo leo Novemba 21, 2025 alipotembelea kiwanda kipya cha Zhong Zhong cha uyeyushaji wa madini ya kopa na nikel kilichopo Kata ya Zamahero, wilayani Bahi Mkoani Dodoma.
Ameeleza kuwa Serikali imekuwa ikipoteza mapato kutokana na tamaa za watu wachache wanaojihusisha na utoroshwaji wa madini.
Aidha, amebainisha kuwa kwa sasa Wizara ya Madini inachangia asilimia 10 ya pato la Taifa, ongezeko ambalo linatokana na mabadiliko ya sheria ya mwaka 2017 pamoja na uanzishwaji wa masoko ya madini na vituo vya ununuzi.
Katika hatua nyingine, Mavunde amesema Serikali haitatoa leseni kubwa za uchimbaji wa madini kwa makampuni ya ndani endapo hayatawasilisha mpango madhubuti wa uongezaji thamani madini kabla ya kuyapeleka sokoni.
Kwa upande wake, Mwenyekiti wa Shirikisho la Wachimbaji Wadogo na wa Kati, Thobias Kente, amesema Serikali imeboresha mazingira ya uchimbaji madini kwa wachimbaji wadogo, hatua iliyochangia ongezeko la uzalishaji nchini.
Naye Msemaji wa Zhong Zhou, Hassan Ngaiza, amesema kuanzishwa kwa kiwanda hicho kutachangia kuongeza thamani ya madini pamoja na kutoa ajira kwa wananchi wa eneo hilo.
Повторяем попытку...
Доступные форматы для скачивания:
Скачать видео
-
Информация по загрузке:
