Lauga Aso Sa 19/10/2025 - Rev. Elder Nofoagafou Onesemo | EFKAS Alofisa O Le Atua

Описание: Sunday Service every Sunday
Location: 297-305 Old Castlereagh Rd, Castlereagh NSW 2749
Time: 10am
━━━━━━━━━━━━━━━━━━━━━━━━━━━━━━━━
Tusi Faitau Aso EFKAS 2025

FINAFINAU (PERSISTENCE)

Aso Sā – Oketopa 19: “Ua feutaga’i Aperaamo ma le Atua”
Tusi Faitau – Kenese 18:16–33 (Abraham bargains with God)
f.24: “Pe afai o i le aai tagata e toalimagafulu o e amiotonu, e te faaumatia ea
a e le faasaoina le nuu ona o le toalimagafulu o e amiotonu o i ai?”

O le ā se i’uga e ono tupu ane pe afai e feutaga’i se tagata ma le Atua? O le
faitauga o le asō, o loo ua aumaia ai se filifiliga e aga’i i se sa’olotoga, ma aumai ai se lagona gaua’i mo soo se tagata i le faamasinoga tonu a le Atua. E ui i le augani a Aperaamo mo se faamagaloga, a o le finagalo naunautai o le Atua, e faaolaina ma tumau lona alofa faamaoni i le tagata. O le aioi a Aperaamo, ua ia manatu ai mo se fuainumera maulalo, ina ne’i le ausia fuainumera maualuga, mo se sa’olotoga. O le faamoemoe o Aperaamo na faalagolago i le alofa mutimutivale o le Atua. O loo i ai pea tofotofoga e iloa i nei ona aso. O lea gaioiga o loo alia’e ai pea le lagona o le fetu’una’i e faia ai se faatau ma le Atua i se mataupu tala feagai, aemaise lava pe a oo ina feagai ma se lalolagi vevesi ma le lē mautonu. O loo ua aogā ea se faia o se faatau poo se faasoa ma le Atua? O le to’atele o nisi e talitonu i le Atua, o loo latou faia se aioi (appeal) mo se siosiomaga saogalemu. O nisi o loo augani i se fesoasoani mo lo latou lava sa’olotoga. E mafai faapefea ona fesoasoani atu i e matitiva, sauaina, tu’ulafoaina, e faapea fo’i i se olaga o tagata Sotoma ma Komoro? O loo ua talafeagai ea, pe lelei, pe aogā fo’i le felafolafoaiga o se tagata ma le Atua? O le Atua na te faamalosia loto ma lagona ina ia finafinau ai le tagata i le tatalo. A o i ai i se mataupu o le FINAFINAU, o le faasa’olotoina ma le faamagaloina, o le amiotonu ma le alofa lava lea o le Atua e faaalia i lona lava faamasinoga tonu.