Tv Klan - Europianët refuzojnë Trumo për Hormuzin

Описание: Vendet evropiane i kanë rezistuar kërkesës së Donald Trump për ndihmë për të siguruar ushtarakisht Ngushticën e Hormuzit.
Pavarësisht kërcënimit të tij se do të kishin një të ardhme të keqe nëse nuk bëheshin pjesë e këtyre përpjekjeve, vende si Gjermania, Britania, Italia dhe Greqia kanë vendosur që të mos marrin pjesë në aleancën për mbrojtjen e kalimit kritik.

“Po punojmë për të hartuar një plan të besueshëm për Ngushticën e Hormuzit, për të rihapur transportin detar dhe kalimin nëpër ngushticë. Më lejoni të jem i qartë, kjo nuk do të ndodhë dhe nuk është parashikuar kurrë të jetë një mision i NATO-s”, deklaroi Keir Starmer, kryeministër i Mbretërisë së Bashkuar.

“Nuk është lufta jonë. Nuk e filluam ne. Ne duam zgjidhje diplomatike dhe një fund të shpejtë. Kjo luftë filloi pa asnjë konsultim paraprak”, pohoi Boris Pistorius, ministri i Mbrojtjes i Gjermanisë.

Në një konferencë për media, presidenti amerikan shprehu zhgënjimin nga aleatët europianë, por tha se disa vende janë të gatshme të ndihmojnë, duke përmendur Francën, ndërsa disa të tjerë kishin refuzuar.

“Nuk jam fare i lumtur. Ne i kemi mbrojtur ata për vite me radhë me NATO-n sepse NATO është ne. Mund të pyesni Putinin. Putini ka frikë nga ne, jo nga Europa”, bëri të ditur Trump.

Ndërsa ministri i jashtëm i Iranit Abbas Araqchi deklaroi se Ngushtica e Hormuzit mbetet e hapur për vendet mike të këtij vendi.

“Është e mbyllur vetëm për armiqtë tanë, për ata që kryen agresion të padrejtë kundër vendit tonë dhe për aleatët e tyre", deklaroi Abbas Araqchi, ministër i Jashtëm i Iranit.

Ndërkohë, në terren sulmet ndaj Iranit vazhduan, ashtu si edhe shenjëstrimet ndaj vendeve të tjera të rajonit, përfshirë aeroportin ndërkombëtar të Dubait dhe një zonë të rëndësishme industriale të naftës po në Emiratet e Bashkuara Arabe.

Njëkohësisht, ushtria izraelite ka njoftuar zgjerimin e operacioneve në Liban, me sulme tokësore që shënjestronin Hezbollahun.

IDF tha se para hyrjes së trupave në zonë, kreu sulme ajrore dhe artilerie kundër objektivave të shumta me qëllim zbutjen e kërcënimeve.
SUBSCRIBE to “RTV KLAN” on YouTube for more videos!

Email: [email protected]

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/