يالله يا مولج نهار بديجور

Описание: انشودة للشيخ ابراهيم الجبرين رائعه من شريط الثرياتسجيلات الصافنات الاسلاميه
كلمات بالله يامولج : "كتبتها اتمنى لو فيه غلط تصححون لي :
يالله يامولج نهار بيديجور
ياواحد فرد على العرش عالي
يامنزل الفرقان والكهف والطور
ومصرف الايام والليالي
ياموجد المعدوم يافالق النور
ياقابل الطلبات تقبل سؤالي
اسالك للغفران ياخير مذكور
واسالك حسن الخاتمة بالتوالي
وانك توفاني على الحق مستور
ياسامع النجوى قريب النوال
عندي ذنوب توهن الحيل وقصور
وارجوك عفوك ي عظيم الجلال
لابد للموت لكل الارواح مامور
متكفل بالخلق مابه جدال
درب قديم للمخاليق ماثور
لابد من فرقى الوطن والاهالي
يخرجك مسلوب من الحصن والدور
ومن بين جيرانك وحيك تشال
يخرجك من بيتك على الرغم مقهور
ماهو بيسال عن رخيص وغالي
تدفن وحيد بين الاموات مقهور
عقب الفضا تسفى عليك الرمال
اما سعيد مستريح وماجور
روحك تنعم من رحيق زلال
والا شقي خايب السعي مآزور
ومعذب طول الدهر والليالي
ولابد من حشر ورا الموت ونشور
وهوايل منها تشيب العيال
ي حسرة المجرم الى نفخ بالصور
شاب الوليد وسير الجبال
بيوم به المخلوق للعرض مثبور
مختلطة نسوانها بالرجال
يقرا كتاب بين اياديه منشور
هذاك باليمنى وذا بالشمال
يشوف ماقدم على الصحف مسطور
محصى عليه دقاقها والجلال
راعي اليمين مبيض الوجة مسرور
يضحك جبينه مثل نور الهلال
راع الشمال مسود الوجة مذعور
يقول ياويلاه وعزاتالي
واسالك ياللي تاخذ العلم والشور
وش جاب طاروق الهدى للضلال
واعرف ترا الدنيا زخاريف وغرور
مثل الحلوم الزايره بالخيال
تقبل وتضحك لك سنيات وشهور
وتقفي سريع مثل في الظلال
هذا الزمان اللي بالاهوال مذكور
الرابح اللي ماتناهى ليالي
وقت به الوالد حقير ومقهور
ومعاقب بين المرة والعيال
رجل بلا مال مع العسر معذور
مال بلا فضل غناته وبال
ثم الصلاة عداد ماهل قاطور
وعداد م حن الرعد بالخيال
على نبي بعث بالحق مامور
راع الفضايل والشرف والمعالي