قصيدة الشيخ|| عبد الكريم الجباري

Описание: يا شيخ يلي شيختك جذبت ابريل
ومصدق الكذبة على شهر شوال
لا صار ما شيختك جيل بثر جيل
ولا هي بشيخت دين وعلوم وافعال
شيخت بشيت تنقله باول اليل
في كل حفل جالسن تقل تمثال
على الكراسي ما ترد الفناجيل
وعلى الصحن تقلط قبل راعي الفال
شيخت فلس ما من وراها محاصيل
صور ووثقها على كل جوال
شيخت تويتر ما وراها محاصيل
صور ووثقها على كل جوال
لو قلت شيخ وطيروك المهابيل
الناس تدري فالجدايد والاسمال
ما تدري انك صرت ضحك التعاليل
يقزر عليك الوقت واليل لو طال
الصبح يعطونك من المدح ما قيل
وباليل يركونك من الجال للجال
الصبح يعطونك من المدح ما قيل
وباليل يركونك من الجال للجال
لا صرت ما تدري عن العدل والميل
اسمع نصيحت واحدا ما بعد مال
لا صار جدك من ضعوف الرجاجيل
دور على ما يسترك واستر الحال
لا تعرض ربوعك لكثر الاقاويل
ترى العرب ما خلت القيل والقال
الناس تكسبهم بطيب الافاعيل
واعرف ترى الشيخة ماهي شرب فنجال
الرجل لو يجلس بصف المعاميل
ما أثرت بمعرب العم والخال
الرجل لو يجلس بصف المعاميل
ما أثرت بمعرب العم والخال
لا صار واثق ما لقي به مداخيل
ما همته كبر المراكي والازوال
البس بشوت وجمل البس تجميل
البشت ما هو عيب هو زينة رجال
واعرف ترى ما تكبر الا البراميل
والكبر ماهو للاجويد مدهال
اما تمثل لابتك خير تمثيل
ولا انفهق خل الحمل بيد جمال
لا صرت ما تقدر على الحط والشيل
يبرك لها من كان للحمل شيال
لا صرت ما تقدر على الحط والشيل
يبرك لها من كان للحمل شيال
من كان جده فارس فاول الخيل
ما هو غريب ان صار لخيل خيال
والراس ما يرجع عقب عزته ذيل
الا اليا قامت تجديه الاذيال
كم واحد راسه تحسب انه سهيل
عقب العلا راسه توطيه فلمال
ندور العله ولا فيه تعليل
يا مفسر العله نبي راحة البال
لو عندنا لاطباع الانذال تعديل
والله ما تبقى على الارض الانذال
قلته وانا من روس قوم مشاكيل
قلته وانا من روس قوم مشاكيل
لنا ليا عدو هل المجد منزال
ولاني بشيخ ولا تجللت تجليل
الله مجللنا من الطيب بجلال
قلته وانا من روس قوم مشاكيل
لنا ليا عدو هل المجد منزال
ولاني بشيخ ولا تجللت تجليل
الله مجللنا من الطيب بجلال
وبشعر لي واد تلاطم به السيل
بامر من الله كل ما نامره سال
ما قول انا اطيب من يجيب التماثيل
لاكن لي وقع كما وقع زلزال
وقع لقلب محلل الشعر تحليل
ويبقى على لسان العرب مضرب امثال
يالله ترحمنا بيوم التهاويل
وتظلنا في ضل رحمتك بضلال
واعوذ بك من قلت الحول والحيل
يلي بديك الحول والحيل والحال
#شعر #بدوي #السعودية #بدو #قطر #قصيد #قصيدة #عبدالكريم_الجباري