ភ្នំដែលខ្ពស់ជាងគេនៅកម្ពុជាឈ្មោះ «ភ្នំខ្ជោល» នៅជួរភ្នំឱរ៉ាល់ | Aoral Mountain | Kampong Speu

Описание: ភ្នំដែលខ្ពស់ជាងគេនៅកម្ពុជាឈ្មោះ «ភ្នំខ្ជោល» នៅជួរភ្នំឱរ៉ាល់
=====
តាមពិតពាក្យថា ភ្នំឱរ៉ាល់ គឺជាឈ្មោះជួរភ្នំដ៏វែងដែលមានកំពូលជាច្រើន។ នេះជាការបញ្ជាក់របស់លោក ឈឺន ឆីម ដែលជាអ្នកនាំភ្ញៀវជាតិ និងភ្ញៀវបរទេសឡើងជួរភ្នំឱរ៉ាល់តាំងពីឆ្នាំ២០០៤។ លោក ឈឺន ឆីម ដែលមានកំណើតនៅក្នុងភូមិស្រែកិន៣នៃស្រុកឱរ៉ាល់ចំងាយ១០គីឡូម៉ែត្រពីជួរភ្នំឱរ៉ាល់ ហើយជាអ្នកនាំភ្ញៀវជាតិ និងភ្ញៀវបរទេសឡើងលើកំពូលភ្នំជាង២៣០លើកនោះ បានបញ្ជាក់ប្រាប់សារព័ត៌មានថ្មីៗថា ក្នុងចំណោមជួរភ្នំឱរ៉ាល់ មានភ្នំជាច្រើនដែលសុទ្ធតែមានឈ្មោះ។ «ហើយភ្នំដែលខ្ពស់ជាងគេកំពស់១៨១៣ម៉ែត្រនោះ ចាស់ៗនៅក្នុងភូមិបានប្រាប់ថា ឈ្មោះភ្នំខ្ជោល នោះទេ។ ប៉ុន្តែមនុស្សទូទៅបានហៅភ្នំដែលខ្ពស់ជាងនោះថា ជាភ្នំឱរ៉ាល់»។ លោក ឈឺន ឆីម បានអះអាងយ៉ាងនេះ។

បទសម្ភាសនេះ ត្រូវបានធ្វើឡើងនៅក្នុងអំឡុងពេលដែលលោក ឈឺន ឆីម កំពុងនាំក្រុមការងារនៃកម្មវិធី«Mercedes-Benz និងកំណប់អាថ៌កំបាំង» ឡើងលើកំពូលភ្នំដែលខ្ពស់ជាងគេនៃជួរភ្នំឱរ៉ាល់ពីថ្ងៃទី២៩ខែមករាដល់ថ្ងៃទី១ខែកុម្ភៈ។

កម្មវិធី «Mercedes-Benz និងកំណប់អាថ៌កំបាំង» ត្រូវបានផ្តួចផ្តើមឡើងដោយក្រុមហ៊ុន Star Auto Cambodia សហការជាមួយសារព័ត៌មានអេឡិចត្រូនិក ThmeyThmey.com និង Fresh News ដើម្បីចូលរួមលើកកម្ពស់វិស័យទេសចរណ៍នៅទូទាំងកម្ពុជា ស្វែងរក និងគាស់កកាយតំបន់ទេសចរណ៍ ដែលគេពុំសូវស្គាល់ ឬដែលត្រូវគេមើលរំលង៕
--------------------------------------------------------------------
ThmeyThmey News Social Media:

https://thmeythmey.com/
  / thmeythmey  
  / thmeythmeyvideonews  
  / thmeythmeynews  
  / thmeythmey