အာဏာသိမ်းတပ်ကိုစွန့်ပြီး လက်နက်ချ ဘက်ပြောင်းမှုတွေများလာ

Описание: အာဏာသိမ်းတပ်ကိုစွန့်ပြီး လက်နက်ချ ဘက်ပြောင်းမှုတွေများလာ (ရုပ်/သံ)

ဧရာဝတီ၊ နိုဝင်ဘာ ၂၁၊ ၂၀၂၃

ရှမ်းပြည်နယ်မြောက်ပိုင်းမှာ အောက်တိုဘာလ ၂၇ ရက်နေ့က စတင်ခဲ့တဲ့ Operation 1027 ကစပြီး နိုဝင်ဘာလ ၁၅ ရက်နေ့အထိ ကိုးကန့်၊ ကွမ်းလုံ၊ ရခိုင်ပြည်နယ် အပေါက်ဝ၊ လွိုင်ကော်၊ ကောလင်း နဲ့ မွန်ပြည်နယ် ချောင်းနှစ်ခွ အစရှိတဲ့ ဒေသတွေက စစ်ဆင်ရေးတွေမှာ လက်နက်ချတဲ့ စစ်ကောင်စီ တပ်ဖွဲ့ဝင်ပေါင်း ၂၆၀ ကျော်အထိ ရှိလာခဲ့ပါတယ်။

ရှေ့တန်း စစ်မြေပြင်မှာ ရောက်နေတဲ့ တပ်တွေဆီကို စစ်ကောင်စီဟာ စစ်ကူအချိန်မီမပို့နိုင်တာတွေ၊ တော်လှန်ရေး တပ်တွေရဲ့ တပြိုင်နက်တည်း နေရာအစုံက တိုက်ခိုက်မှုတွေကြောင့် ဘယ်နေရာတွေကို ဦးစားပေးပြီး စစ်ကူပေးရမယ်ဆိုတာကိုတောင် ဆုံးဖြတ်လို့မရတော့တာတွေကြောင့် စစ်ကူတွေ မရောက်နိုင်တော့တာ ဖြစ်နိုင်တယ်လို့ စစ်ရေးလေ့လာသုံးသပ်သူတွေက ပြောပါတယ်။

လက်ရှိစစ်ဆင်ရေးတွေမှာ ဘက်ပြောင်းခိုလှုံမှုတွေသာမကဘဲ ထွက်ပြေးဖို့ အတွက်လာတိုက်ကြမယ့် အချိန်ကို စောင့်မျှော်နေတဲ့ တပ်ရင်းတွေ၊ ရှေ့တန်းထွက်တဲ့ အချိန်ထွက်ပြေးခွင့်ရမယ့် အခွင့်အရေးကို စောင့်မျှော်နေကြတဲ့ တပ်ဖွဲ့ဝင်တွေ အများ အပြား ရှိနေတယ်လို့လည်း CDM အရာရှိတွေက ပြောပါတယ်။

#WhatsHappeningInMyanmar
#RejectMilitaryCoup