سليمان العمري » كلمات فهمي امشعناء المرقشي « لنا عام نسال اين عشال لاغير « حصري

Описание: #لتواصل_معي_00967736493398
،،،،،،،،،،،،،،،،،،،،،،،،،،،،،،،،،،،،
بعنوان رسائل وتحذير
،،،،،،،،،،،،،،،،،،،،،،،،،،،،،،،،،،،،،

كلمات الشاعر
فهمي الشعناء المرقشي ابوالمعتصم ،،

كتبها تاريخ 18/يونيو2025
،،،،،،،،،،،،،،،،،،،،،،،،،،،،،،،،،،،،

بعونك وتوفيقك يكون انتصاري
الاهي ويسرهاء في العسر تيسير

وفي حين قلة حيلتي وانكساري
بجودك تبشرناء وبالخير تبشير

سراء هاجسي لابس حزام انتحاري
قوافيه تي ان تي وفيهاء مسامير

وزود حروف القاف بارود ناري
ولاعاد حاسب لو يقع مية تفجير

انا هاجسي احيانأ يعاكس مساري
ويزرع عبواته امامي ونا سير

واحيان يرميني وسط نهر جاري
واحيان ينقذني وناء قاعت البير

واحيان يقلع من مدرج مطاري
وتقصف صواريخه علئ كل شرير

وساعات يهبط بي هبوط اضطراري
ونا ودي اقضي العمر كله ونا طير

خرج فصل والثاني دخل في مداري
وقدهاء جماهيري تدق المزامير

تجهز مراسيم الشرف في انتضاري
ونا جيت واتشرف بكل الجماهير

وعفوأ علئ التاخير مش بختياري
ولاكن يقولو خير في كل تاخير

سراء الليل عاده جوف راسي مهاري
وراجون في ايدي لكل العقاقير

ومن ابين التاريخ باعلن قراري
مساء الخير اول يالحبايب مساء الخير

بلادي محرر شوفهاء في نضاري
وفي الواقع التحرير يحتاج تحرير

يقلد صقور الجو طير الكناري
وتحكم علئ الشاهين بعض العصافير

وجوف القفص صارت وحوش البراري
وحامي الحماء تمسي الكلاب المساعير

وبوالمعتصم ذلحين بطلق عياري
وبرمي الهدف لما تفور المواسير

متئ السلم واسلوب الشعوب الحضاري
متئ في اليمن له اي قيمه وتاثير

نطالب نباء عشال والكل داري
لنا عام نسال اين عشال لاغير

نكلم بشر ولا نكلم جداري
ولصمت هذا لم نجد اي تبرير

ولا زال عاد البث والبحث جاري
وعشال اصبح لغز من دون تفسير

ولاحد عمل لاابين ثقل واعتباري
وابين مسي للكل قيمه وتقدير

وابين كبيره في زمان الكباري
وعانت وهانت في زمان الهوامير

متئ با تغاري يالاسود الضواري
ومن لم يغير اليوم ماعاد بي غير

متئ باتمرو في العلم والمجاري
جبر مثل لجداد الصلاب المقاوير

كفاء الهيمنه والذل والاحتقاري
يوقف حشود ابين محشش وسكير

حذاري تهوني يارجالي حذاري
ولا شي قدر ماحد يرد المقادير

وفي الخط سيره سعف لاحد يباري
وبن رجح الكفه اذا اتنظم السير

ودي بايقود القافله بقتداري
معه وحدو الكلمه ورصو الطوابير

ودوسو علئ الحنشان جوف القداري
وماساقه الرحمان من فوق بي صير

وعشال بعده باتقع حرب ضاري
اذا هم غدارو به عبيد الدنانير

ولا الزير سالم قال باخذ بثاري
سراء الليل ميشي شك في سالم الزير

وباتحترق ياكل بائع وشاري
وباتحترق بالنار يانافخ الكير

وهذه رساله واضحه بختصاري
وقد قبلها عدت رسائل وتحذير

حذاري حذاري ياصحابي وجاري
حذاري من الفتنه ومن قلة الخير

وصلو علئ المختار بختم حواري
وعفوأ اذا شي زاد او اي تقصير