მუცლის ღრუს და მცირე მენჯის ორგანოების კომპიუტერული ტომოგრაფია

Описание: მუცლის ღრუს და მცირე მენჯის ორგანოების კომპიუტერული ტომოგრაფიის არის დიაგნოსტიკური ტესტი, რომელსაც ექიმები იყენებენ წვრილი და მსხვილი ნაწლავის, ან და სხვა შინაგანი ორგანოების დაავადებების გამოსავლენად. ის ასევე ხშირად გამოიყენება აუხსნელი მუცლის ტკივილის მიზეზის დასადგენად. გადაუდებელ შემთხვევებში კომპიუტერულმა ტომოგრაფიამ საკმაოდ სწრაფად შეუძლია გამოავლინოს შინაგანი დაზიანებები და სისხლდენა, რამაც შეიძლება გადაარჩინოს პაციენტის სიცოცხლე.
კომპიუტერული ტომოგრაფია წარმოქმნის სხეულის სურათებს ერთდროულად რამდენიმე ჭრილში. მას ასევე შეუძლია შინაგანი ორგანოების, ძვლების, რბილი ქსოვილების ან სისხლძარღვების სამგანზომილებიანი სურათის გენერირება, და ზოგადად უფრო მეტი დეტალების ასახვა, ვიდრე ტრადიციულ რენტგენოგრაფიას.
კომპიუტერული ტომოგრაფიის დროს შეიძლება იქნას გამოყენებული კონტრასტული ნივთიერება, რაც დამოკიდებულია გამოკვლევის ტიპზე. კონტრასტი მიიღება პერორალურად ან ის შეყავენ ინტრავენური კათეტერის მეშვეობით. ამით ახდენენ კონკრეტული ორგანოს ან ქსოვილს გაუმჯობესებულ ვიზუალიზაციას სკანირების დროს.
ექიმები, როგორც წესი, იყენებენ კომპიუტერულ ტომოგრაფიას შინაგანი ორგანოების შემდეგი დაავადებების დიაგნოსტიკის დროს:
ინფექციები, როგორიცაა აპენდიციტი, პიელონეფრიტი ან აბსცესი;
ნაწლავის ანთებითი დაავადებები, როგორიცაა წყლულოვანი კოლიტი ან კრონის დაავადება, პანკრეატიტი ან ღვიძლის ციროზი;
ღვიძლის, თირკმელების, პანკრეასის, საკვერცხეების ან და შარდის ბუშტის კიბო, ან ლიმფომა.
თირკმელებისა და შარდის ბუშტის კენჭები;
მუცლის აორტის ანევრიზმა, მუცლის ღრუს ორგანოების დაზიანებები, როგორიცაა ელენთა, ღვიძლი, თირკმელები ან სხვა შინაგანი ორგანოები ტრავმის შემთხვევაში.
ექიმები ასევე იყენებენ მუცლისა და მენჯის კომპიუტერულ ტომოგრაფიას:
ნავიგაციის მიზნით ბიოფსიის და სხვა პროცედურების დროს, როგორიცაა აბსცესის დრენაჟი და სიმსივნის მინიმალურად ინვაზიური მკურნალობა;
ოპერაციის დაგეგმვის და მისი შემდგომი შედეგების შეაფასების მიზნით, მაგალითად ორგანოების გადანერგვის დროს;
სიმსივნის სტადიის დასადგენად, სხივური თერაპიის დაგეგმვის და სათანადო ჩატარების, და ასევე ქიმიოთერაპიაზე რეაქციის მონიტორინგის მიზნით.

https://minclinic.eu/KT/KT_ge/KT-abdo...
https://minclinic.eu/KT/KT_ge/KT-pelv...
დამატებითი ინფორმაციისტვის დარეკეთ: 557-40-30-53