#វគ្គបណ្តុះបណ្តាលគ្រប់គ្រងអាជីកម្មកសិកម្ម

Описание: “កម្មវិធីសិក្ខាសាលាចែករំលែកចំណេះដឹង បទពិសោធន៍ជាមួយអាជីវករដៃគូរ ស្តីពីបច្ចេកទេសគ្រប់គ្រងការលក់ធាតុចូលជីថ្នាំកសិកម្ម បញ្ជីសារពើភ័ណ្ឌ និងការប្រឹក្សាដោះស្រាយបញ្ហាកសិករ “ ត្រូវបានរៀបចំឡើងនៅក្នុងខេត្តសៀមរាប ដែលមានអាជីវករជីថ្នាំកសិកម្មជាច្រើនរូបបានចូលរួម ពួកគាត់ត្រូវបានអញ្ជើញមកពីបណ្តាខេត្តផ្សេងៗគ្នាដូចជា ខេត្តកំពង់ធំ ខេត្តព្រះវិហារ ខេត្តសៀមរាប និងខេត្តឧត្តរមានជ័យ។

កម្មវិធីនេះផងដែរត្រូវបានបង្កើតឡើងក្នុងគោលបំណង បង្រៀនពីចំណេះដឹងក្នុងការស្គាល់ធាតុផ្សំនៃជីថ្នាំកសិកម្ម ការត្រួតពិនិត្យ និងការគ្រប់ស្តុកទំនិញ ជាពិសេសការប្រឹក្សារយោបល់បច្ចេកទេសកសិកម្មដល់អ្នកប្រើប្រាស់ធាតុចូលជីថ្នាំកសិកម្មអោយបានត្រឹមត្រូវតាមបទដ្ឋានបច្ចេកទេស។

អង្គរហ្គ្រីន គឺជាក្រុមហ៊ុនដែលមានទស្សនៈវិស័យ ក្លាយជាក្រុមហ៊ុនលូតលាស់លឿន និងនវានុវត្តន៍ជាងគេខាងផ្តល់ដំណោះស្រាយកសិកម្ម ដើម្បីចូលរួមចំណែកក្នុងការផលិតស្បៀង និងចំណីអាហារ អោយមានគ្រប់គ្រាន់សម្រាប់មនុស្សទាំងអស់នៅក្នុងពិភពលោក។ យើងជឿជាក់លើការភ្ជាប់ទំនាក់ទំនងរវាងបណ្តាញកសិករ បច្ចេកវិទ្យា ដីធ្លី បរិដ្ឋាន អ្នកប្រើប្រាស់ និងប្រជាជាតិទាំងអស់ ដើម្បីកសាងពិភពលោកមួយជាកន្លែងល្អប្រសើរគួរអោយចង់រស់នៅ។

រួមគ្នាធ្វើទំនើបកម្មកសិកម្មនៅកម្ពុជា នវានុវត្តវិស័យកសិកម្មឥតឈប់ឈរ។