Strehimi e pallatet, Rama zbulon debatin me Erion Veliaj

Описание: #oranews #edirama #erionveliaj #ramaveliaj

Përveç akuzave politike që në sektorin e ndërtimit në kryeqytet është kthyer në një lavatriçe të pastrimit të parave të pista, politika e bashkisë së Tiranës për lejet e ndërtimit ka lënë të pakënaqur edhe kryeministrin Edi Rama.

Kryebashkiaku Erion Veliaj, sipas shefit të tij politik, deri më sot ka dështuar të krijojë të ardhura buxhetore të pavarura nga ky sektorë, pavarësisht se Tirana është kthyer në një kantier ndërtimit.

Edi Rama: Është e pamundur që ne ende sot në nivel bashkiak, që nga Tirana që është kryesorja deri tek bashkia më e fundit nuk kemi asnjë aktivitet ekonomik të pavarur që prodhon të ardhura duke nisur nga ndërtimi. Bashkitë i kanë mundësitë që të ndërtojnë dhe krijojnë shanse për familjet që kanë nevojë për strehim e të fitojnë para.

Më thoni një kompani bashkiake që fiton para për buxhetin e tyre në funksion të strehimit. Nuk ka pse"

Rama bëri shembull drejtuesin e Tiranës përpara kryebashkiavë të tjerë se si duhet të veprojnë në të ardhmen për të krijuar të ardhura të reja fianciare, duke përdorur pikërisht ndërtimin e palateve.

Edi Rama: Kemi pasur një debat të gjërë dhe të thellë me drejtuesit e bashkisë së Tiranës me këtë. Nuk mundet që qeveria të përgjigjet për çdo kërkesë dhe çdo nevojë e pamundur. Nga ana tjetër nuk ka pse oportunitetet që janë aty për tu shfrytëzuar të mos i shfrytëzojë por tia delegojë privatit. Rolin e zhvilluesit e luajnë shumë investitorë që nuk kanë fare kompani ndërtimi. Marrin kompani ndërtimi dhe zhvillojnë pronat. Pse nuk e bëjnë bashkitë. Me një gurë vrasin dy zogj. Krijojnë oportunitete të reja për të pastrehët e tyre e nuk presin nga Enti i Banesave por strehojnë njerëzit e tyre e nga ana tjetër shesin për të mbledhur të ardhura. Pse të mos bëhet.

Një tjetër gangrenë e drejtuesve vendorë është ujë dhe mungesa e digjitalizimit të shërbimve.

Deri në zgjedhjet e ardhshme vendore, kryebashkiakët socialistë duhet të kenë të qartë porosinë e shefit të tyre, disiplinë financiare, burime të reja të ardhurash fianciare dhe përgjegjshmëri.

Ndërsa demokrati Bardh Spahia, kryebashkiaku i Shkodrës, nuk ishte i pranishëm në takimin e thirrur nga qeveria e Edi Ramës.

Për më shumë lexoni në: https://www.oranews.tv/vendi/strehimi...

Follow Televizionin Ora News

Website: www.oranews.tv

Youtube http://bit.ly/2DDddtL

Facebook: http://bit.ly/2RkUN4s

Instagram   / oranewstv  

Twitter   / oranewsrtv