ერთი თბილისური მინი ვლოგი

Описание: 2 კვირაა, რაც თბილისში ჩამოვედი და არც დიდი ვლოგი გადამიღია, არც პატარა, ხოდა დღეს მივხვდი რომ ასე არ შეიძლება და გაგატარებინებთ ერთ ჩვეულებრივ დღეს ჩემთან ერთად. მიუხედავად იმისა, რომ ჩვეულებრივ ვმუშაობ ეს პერიოდი, დღეს შვებულება ავიღე, რომ კომპიუტერთან ჩემს 2 კვ მეტრში ჩაკეტილს არ გამეტარებინა მთელი დღე. დილით გემრიელად ვისაუზმე, ცოტა წავიმუშავე მაინც, გავემზადე და გავეშურე ვარდების ბაღისკენ. ელენიკომ და კოტემ პადელში ყველაჯერ მომიგეს და პინგპონგის იმედზე ვიყავი დღეს. თავიდან მარტო მე და ელენიკო ვიყავით და მე იმდენი სალაპარაკო მქონდა თერაპია უფრო გამოვიდა ვიდრე თამაში. ჩვენს გარდა არავინ იყო დარბაზში, ამიტომ პაუზა ავიღეთ და იქვე ყავის შესვენებაზე და წესიერად საჭორაოდ გავედით. ამასობაში კოტეც შემოგვიერთდა, მეც შური ვიძიე სანამ პადელში კიდევ უშანსოდ მომიგებდნენ და წამოვედი სახლისკენ.

წარმოდგენა არ მაქვს აქამდე მადმენ როგორ არ მქონდა ნანახი, რამდენიმე დღის წინ დავიწყე და 7 სეზონის ბედნიერება მელის წინ, ერთ-ერთი საუკეთესო სერიალია რაც აქამდე მინახავს, არა მარტო ბოლო პერიოდში.

საქმეს შევყევი საღამომდე და ისე გავიდა რამდენიმე საათი, ვერც კი გავიგე სანამ დედაჩემის გამომცხვარმა მჭადების სუნმა არ გამომაფხიზლა. არ მგონია სამყაროში ამაზე მეტად რამე მიყვარდეს, განსაკუთრებით ძილის წინ. საქმეებს რა თქმა უნდა ვერ მოვრჩი, მაგრამ 1 სერიის ყურება მაინც მოვასწარი დაძინებამდე.