Gjyqi për ish-krerët e UÇK, Berisha: Vetëm një zgjidhje, pafajësia, ndjesa dhe rikthimi në shtëpi

Описание: Prokuroria e Hagës ka kërkuar dënimin me nga 45 vjet burg për katër ish-krerët e UÇK-së, të akuzuar për krime lufte dhe krime kundër njerëzimit, në kuadër të procesit që po zhvillohet në Dhomat e Specializuara të Kosovës.

Lidhur me këtë kërkesë, kreu i opozitës, Sali Berisha, ka reaguar ekskluzivisht në emisionin “Opinion” në TV Klan, duke e cilësuar aktakuzën si “pamflet propagandistik” dhe duke shprehur bindjen se ndaj të akuzuarve nuk është paraqitur asnjë provë konkrete faji gjatë procesit gjyqësor disa vjeçar në Hagë. Berisha u bëri thirrje gjyqtarëve që të rrëzojnë akuzat dhe të shpallin pafajësinë për ish-drejtuesit e UÇK-së.

“Aktakuzat e prokurorëve të Hagës më duhet të them se ishte një pamflet propagandistik, variant i propagandës antishqiptare të ultranacionalistëve serbë, mbi luftën çlirimtare të popullit të Kosovës dhe Ushtrinë Çlirimtare të Kosovës. Për mua ishte e pabesueshme një aktakuzë e tillë e udhëheqësve politikë më kryesorë të UÇK-së dhe të Kosovës pas çlirimit të saj.

Kam qenë dhe mbeten i bindjes së pandryshueshme të ndëshkimit të çdo krimi dhe të cilit do autor që e kryen atë, por nga ndjekja e vëmendshme e të gjithë procesit gjyqësor 4-5 vjeçar në Hagë, nuk kam dëgjuar deri më sot asnjë provë , fakt apo dokument që të paraqesë fajësinë konkrete të të akuzuarve në Gjykatën e Kosovës në Hagë.

Në të kundërt mund të them se ata burra me qëndrimet e tyre, me udhëheqjen e UÇK-së, jo vetëm kanë shpëtuar dhjetëra e mijëra jetë nga gjenocidi serb i shqiptarëve të Kosovës, por do them se ata kanë shpëtuar edhe qindra e mos më shumë jetë serbësh nga hakmarrja e cila natyrshme mund të shpërthente ndaj kasaphanës që serbët realizuan gjatë viteve të luftës në Kosovë.

Në këtë drejtim unë i bëj thirrje gjykatësve të kësaj gjykate me gjakftohtësi të hedhin poshtë këtë pamflet propagandistik dhe të shpallin pafajësinë e të akuzuarve, mbasi përpjekja për të barazuar agresorin me viktimën, Karaxhiçin, Mlladiçin me Hashim Thaçin dhe Jakup Krasniqin është një përpjekje që del jashtë çdo lloj krahasimi që mund të bëhet. Unë shpreh bindjes se gjykata do shpallë pafajësinë e tyre. Asnjë krim konkret, asnjë krim i lidhur direkt me asnjërin prej atyre që janë në bankën e akuzës, nuk është paraqitur deri tani. Ndaj dhe ka vetëm një zgjidhje, kjo është pafajësia, ndjesa dhe rikthimi i tyre në shtëpi”, tha kreu i opozitës, Sali Berisha.
Opinion nga Blendi Fevziu, emisioni politik më i ndjekur dhe më i preferuar në ekranet shqiptare. Arena e politikës shqiptare që prej 31 Gushtit 1997. Komente, analiza, debate, intervista, personazhe, dëshmi dhe fakte konkrete. Ngjarjet më të fundit dhe më të rëndësishme në jetën politike dhe sociale të vendit, me debatet, opinionet dhe analizat e të ftuarve në studio.
SUBSCRIBE to "RTV KLAN" on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/

#Opinion #BlendiFevziu #TVKlan