ស្រណោះផ្កាក្ទម្ព ស៊ីន ស៊ីសាមុត Sronos Phka Khtum Sinn Sisamouth

Описание: ស្រណោះផ្កាក្ទម្ព ច្រៀងដោយលោក ស៊ីន ស៊ីសាមុត
បទភ្លេង និង ទំនុកច្រៀង គង្គ ប៊ុនឈឿន, សម្រួលតន្ត្រី មែរ ប៊ុន

១ - នឹកឃើញផ្កាក្ទម្ព ឃ្មុំសូមស្គាល់ក្លិនអឺយ អើយស្គាល់ក្លិន កេសរសុបិនស្រូបស្រងមាសឆ្អិនមិនស្កប់ចិន្ដា ម្លប់ជ្រៃជ្រួតជ្រាប ទន់ទាបសុរិយា សូមយកកេសាក្រាលក្រោមរុក្ខាស្ដាប់ភ្លេងជីវិត
២ - រូបបងខ្វាក់ភ្នែក គ្រាប់បែកខ្ទាតចូលអឺយ អើយខ្ទាតចូល ជួបកែវបណ្ដូលផ្កាទោលដុះទើរលើមែកដួងចិត្ត លោកិយល្វីងចត់ ក្លាយជាផ្អែមឆ្អិត ទឹកមន្តអម្រឹតរៀមផ្ដិតជូនស្រីក្នុងរាត្រីកាល
បន្ទរ - ឱ!ក្ដីសង្ឃឹម ឱភ្លៀងរលឹម ផ្ទៃមេឃទូទឹមសូមជួយឈឺឆ្អាល លោហិតភក្ដីធ្ងន់មិនមែនស្រាល ស្រក់លើកម្រាល ដែលក្រាលសម្រាប់ក្រាបសុំពរជ័យ
៣ - ផ្កាក្ទម្ពយំសោក បោកខ្លួនក្នុងបឹងអឺយ អើយក្នុងបឹង អង្វររំពឹងផ្ញើពាក្យតាមជ្រឹងហើរជ្រែករាត្រី ទៅប្រាប់ប្រុសណាចិន្ដាប្រណី ដកយកផ្កាព្រៃទៅដាំជាថ្មីក្នុងវិមានសួគ៌

-----------------------------------------------------------------------------------------------------------------------
#ស៊ីន ស៊ីសាមុត / រស់ សេរីសុទ្ធា / ប៉ែន រ៉ន / សុះ ម៉ាត់ / ហួយ មាស / មាស សាម៉ន /