#47 PROSES PENJEMPUTAN ALM KH. AHMAD ZUHDIANNOR || IRING IRINGAN RATUSAN UNIT DAMKAR MENGAWAL 😭😭

Описание: SANG PEMADAM KEBAKARAN YANG PALING ULUN IDOLAKAN ♥️😭

Kota Banjarmasin Kalsel, kota besar dengan banyak penduduknya serta rumah yang padat, sangat rawan dengan datangnya musibah kebakaran.

Salah satu aksi sosial yang akan dikenang masyarakat Banjarmasin adalah ulama kondang justru siap membantu proses pemadaman kebakaran.

Beliau GURU ZUHDI sepertinya mengamalkan ulama bukan sekedar beribadah ritual, mengajarkan ilmu semata, tapi juga turun langsung ke masyarakat dengan berkorban tenaga, harta bahkan nyawa sekalipun.

GURU ZUHDI memiliki kode sandi tersendiri di kalangan orang terdekatnya yakni MAJTA 01 atau PELITA 01. Ini adalah salah satu pesan GURU ZUHDI yang diingat seorang jamaah BPK/ BALAKAR KAPUAS, kalteng.

Pernah dalam satu ceramahnya, GURU ZUHDI mengapresiasi kegigihan pemadam dalam membantu memadamkan kebakaran, tidak peduli dengan kepentingan lain, yang penting cepat bisa membantu, jalan sempit gang bisa masuk, mesin digotong, selang naga dikalungkan di leher.

“Relawan berpikir bagaimana itu api cepat teratasi, bahkan kaki saat pengen cepatnya kada beralas terinjak pecahan beling tidak mempedulikan asal api padam, pantang pulang sebelum benar-benar sudah padam,” kenangnya ucapan dari GURU ZUHDI.

Lanjutnya, setelah selesai, tidak ada mengharap upah, bahkan uang yang ada tidak seberapa dipakai ramai-ramai ke warung, itulah hebatnya jiwa relawan. Ini adalah kisah yang beredar tentang pengalaman GURU ZUHDI yang diceritakan beliau sendiri dalam ikut relawan DAMKAR.

"Aku (Abah Haji GURU ZUHDI) biasa kalo ada kebakaran turun langsung.

Pakaian ku lengkap jua mun turun ke tempat kebakaran.

Pakai helm, pakai jaket kebakaran tu lawan pakai sepatu bot, lawan jua kada ketinggalan bawa roko beberapa bungkus.

Kaena kubagi gasan petugas pemadam nang lain, himung inya dibari roko.

Waktu habis memadamkan kebakaran lalu besisimpun ai, aku jua rasa panas jadi aku buka ai helm nang kupakai.

Lalu ada petugas pemadam kebakaran lain dari Majta tapi dari personel lain maitihi banar lawan aku sambil baucap,

“Pian ne mirip banar lawan GURU ZUHDI nang bebacaan di Masjid Jami Sungai Jingah tu, tapi rasa kada mungkin pulang,” ujar urang tu sambil janak maitihi ku.

Aku bediam haja.

Lalu urang itu baucap pulang, “Pian ne adingnya GURU ZUHDI kah?

”Aku iih kan ae."

Lalu inya baucap lagi, "Titip salamlah lawan GURU ZUHDI dari ulun."

Lalu aku jawab, "Inggih kaena ulun sampaiakan salam pian lawan GURU ZUHDI."

Han jar aku, bebila-bila kah aku baisi ading nang muhanya mirip wan aku (jamaah pun tertawa).

Waktu aku (Abah Haji GURU ZUHDI) tulak untuk tugas pemadaman, aku umpat di mobil Majta.

Nah, waktu tuntung pemadaman dan handak bulik aku cari mobil pemadam dari Majta sudah kadada lagi.

Baarti aku ditinggalakannya bedahulu, rupanya supirnya kada tahu kalo aku tadi umpat di mobil tu.

Mobil nang lain sudah kadadaan lagi jua, jadi aku mencari ojek ai gasan bulik.

Dapat ojek, betakun tukang ojeknya, "Handak minta antarakan ka mana pian?"

Ujar ku, "Antarakan ka jalan nang di balakang Masjid Jami Sungai Jingah."

Lalu tukang ojeknya manjawab, "Tahu ai ulun, nang parak rumah GURU ZUHDI tu kalo?"

Aku jawab, "Inggih." Jar ku (jamaah tertawa lagi).

GURU ZUHDI baucap, “Aku kalo apinya ganal banar, biasanya aku turun langsung ka sana umpat mamadamkan.”

Waktu ada api ganal maka aku meingkuti selang jua handak manyemprot apinya, petugas nang lain kaya itu jua manyemprot.

Tanpa sengaja, ada petugas, mungkin lantaran panik manyemprot, maka banyunya kena kapala aku, sampai tekipai kupiah haji ku.

Waktu itu ada patugas nang lain sangit lawan patugas ini, jar ku, "Kada papa karna inya panik jua, jadi kada melihati ada aku di mukanya."

Tapi anehnya waktu kupiah haji ku kena semprot melayang pas kena rumah nang tabakar, maka langsung pajah apinya.

Jadi jar ku, "Beapuah jua kupiah haji ku ne langsung pajah api nya."

Jadi tuntung apinya kawa dipadamkan, aku kasitu lagi mangikih-ngikih mancari kupiah ku tadi. Tuhuk mencari kadada lagi kupiahnya.

Padahal jaka dapat, kawa tu mun ada kebakaran rumah, ku timbai ja kupiahnya, pajah apinya, kada repot manyemprot lagi, tapi kada dapat aku mencari kupiahnya, tuhuk sudah mengikih.
_________

Kini kisah ini tinggal kenangan di hati para pecintanya.

Semoga kita bisa meneladani akhlak Sidin, meamalkan nasehat dan papadah Sidin, memakai ilmu yang diajarkan Sidin, Aamiiin.

Selamat jalan wahai Sang Guru..

#Sabtu 2 mei 2020 / 9Ramadhan1441H
#guruzuhdi #abahguruzuhdi #KH.AHMADZUHDIANNOOR