Victoria s’më ka dashur kurrë”/ Çfarë po ndodh në familjen Beckham?

Описание: Tallia Storm, këngëtarja dhe influencuese nga Skocia që ka dalë me Brooklyn Beckham gjatë adoleshencës, ka thyer heshtjen pas deklaratës bomba të tij dhe ka hedhur akuza ndaj nënës së tij, Victoria Beckham.

Tallia dhe Brooklyn u njoftuan përmes miqve të përbashkët kur ishin vetëm adoleshentë – Tallia ishte 16 vjeç dhe po bëhej e njohur për karrierën e saj muzikore, ndërsa Brooklyn po përpiqej të dalë nga hija e prindërve të tij të famshëm. Megjithatë, pas disa kohësh, lidhja e tyre përfundoi, por tani, pas 10 vjetësh, Tallia ka shpërndarë disa akuza dhe ka folur hapur për marrëdhënien me familjen Beckham.

Në një intervistë për The Mirror, Tallia ka treguar se gjithmonë ka mbështetur Brooklyn dhe ka pohuar se nuk ka pasur marrëdhënie të mira me Victoria Beckham. Ajo ka kujtuar një incident të veçantë gjatë Global Gift Gala, një ngjarje e organizuar nga aktorja Eva Longoria, mikja e ngushtë e Victoria-s, ku gjërat shkuan keq.

“Ne ishim shumë të ngazëllyer për të shkuar dhe unë do të ulesha pranë Brooklyn-it. Por, kur isha tashmë brenda, ai më dërgoi një mesazh duke thënë, ‘Nëna ime nuk më lejon të vij, më vjen keq,’” ka rrëfyer Tallia. “Dhe ky ishte fundi. Sigurisht, Victoria nuk më pëlqente, ose çfarëdo.”

Pavarësisht se e cilësonte Brooklyn-in si “dashurinë e saj të parë”, Tallia ka shtuar se ky ishte një shembull i një “stuhie PR-je” që ishte plotësisht e panevojshme. “Kohët e fundit, kur kam takuar Brooklyn-in, ai është shumë i qetë dhe i dashur. Por kjo është një nga ato momente që nuk kishte nevojë të ndodhte,” ka shtuar ajo.

Tallia gjithashtu ka treguar për momentin kur ajo dhe Brooklyn janë parë për herë të parë publikisht, një moment që bëri bujë në media. Ajo po përgatiste një koncert në Londër kur Victoria dërgoi një ekip sigurie për të kontrolluar vendin.

“Mendova se nuk ishte asgjë serioze, por OK,” ka thënë Tallia. “Kur shkuam në koncert atë natë, Brooklyn erdhi me motrën time ndërsa unë po bëja kontrollin e tingujve. Dhe kur dolëm me sigurimin e tij, jashtë kishte rreth 20 paparacë.”

Duke reflektuar mbi lidhjen e saj me Brooklyn-in, Tallia ka pranuar se kjo i ka sjellë etiketime të padrejta si një person që kërkon famë gjatë gjithë karrierës së saj. “Gjithmonë më ka bërë të dukem si një person që kërkon famë dhe që është një ‘wannabe’. Ky është një rrjet ngatërrues që nuk dua të merrem më,” ka thënë ajo.

Ky koment vjen pas një deklarate të Brooklyn Beckham që tronditi familjen Beckham. Mbrëmjen e hënës, Brooklyn ka shpërndarë një postim bombastik në Instagram, ku akuzoi familjen e tij për kontroll dhe për shkaktimin e ankthit dhe se ata kujdesen vetëm për “Brand Beckham”. Ai gjithashtu ka akuzuar nënën e tij, Victoria, për sjellje “jo të përshtatshme” gjatë kërcimit të parë në dasmën e tij me Nicola Peltz.

Burimet pranë Brooklyn-it kanë thënë se Victoria ka kërceuar “në mënyrë të papërshtatshme” me të gjatë dasmës, duke e lënë atë të turpëruar dhe Nicola-n të zemëruar. Ndërsa miqtë e ngushtë të Victoria-s kanë insistuar se ajo ishte “për paksa të alkoolizuar dhe duke u argëtuar”.