Fargʻona shahrida qoidabuzarlik bilan amalga oshirilgan qurilish ishlari buzdirildi
Автор: Farg'ona QSHNI
Загружено: 2026-02-28
Просмотров: 104
Описание:
#nazorat_tadbirlari
Fargʻona viloyati hududiy Qurilish va uy-joy kommunal xoʻjaligi sohasida nazorat qilish inspeksiyasi tomonidan Fargʻona shahri "Fargʻona" MFY, Qashqar koʻchasi, 120-uy manzilida joylashgan qurilish obyektida nazorat tadbirlari oʻtkazildi.
Oʻrganishlar davomida mavjud bino va inshootlarni buzib, oʻrniga 5 qavatli (ertoʻlali, penthausli), birinchi qavati savdo va maishiy xizmat koʻrsatish, qolgan qavatlari turar joydan iborat bino qurish jarayonida ishchi loyiha hujjatlari talablariga rioya etilmagani aniqlandi.
Xususan, binoning ertoʻla va birinchi qavat oraligʻidagi yuk koʻtaruvchi rigel bilan bogʻlovchi kamarlar loyiha hujjatining AR qismi 17-varagʻida koʻrsatilgan talablarga zid ravishda bajarilmasdan, keyingi qurilish ishlariga oʻtib ketilgan.
Aniqlangan qoidabuzarliklar yuzasidan qurilishning masʼul shaxslariga kamchiliklarni bartaraf etish boʻyicha yozma koʻrsatmalar berildi. Natijada, loyihadan chetga chiqib amalga oshirilgan qurilish ishlari inspeksiya nazorati ostida demontaj qilindi.
Inspeksiya tomonidan kelgusida qurilish ishlarini tasdiqlangan loyiha hujjatlariga qatʼiy rioya etgan holda amalga oshirish hamda mazkur obyektda muntazam nazorat tadbirlari olib borilishi tushuntirildi.
Повторяем попытку...
Доступные форматы для скачивания:
Скачать видео
-
Информация по загрузке:
