ലളിതാംബിക അന്തർജ്ജനം | വിശ്വരൂപം |കഥ | Lalithambika Antharjanam | Viswaroopam |വായന | തുളസിദാസ്‌

Описание: അഗ്‌നിസാക്ഷി എന്ന ഒറ്റ നോവല്‍കൊണ്ട് മലയാള നോവല്‍ സാഹിത്യത്തില്‍ ചിരസ്മരണീയയായ എഴുത്തുകാരിയാണ് ലളിതാംബിക അന്തര്‍ജനം.പ്രഥമ വയലാര്‍ അവാര്‍ഡ് ലഭിച്ച ഈ നോവലിന് കേന്ദ്ര-കേരള സാഹിത്യ അക്കാദമി അവാര്‍ഡുകള്‍, ഓടക്കുഴല്‍ അവാര്‍ഡ് എന്നിവ ലഭിച്ചു.

മലയാള കഥയുടെയും നോവലിന്റെയും നവോത്ഥാനത്തില്‍ മുഖ്യപങ്കുവഹിച്ച ഇവരുടെ കൃതികള്‍ സ്ത്രീപക്ഷ രചനകളുടെ കൊടിയടയാളങ്ങള്‍കൂടിയാണ്.നമ്പൂതിരി സമുദായത്തില്‍ നിലനിന്നിരുന്ന പല അനാചാരങ്ങളെയും ഇവര്‍ തുറന്നെതിര്‍ത്തു. മഹാത്മജി, ശ്രീനാരായണഗുരു എന്നിവരെ നേരില്‍ കാണാന്‍ ഇവര്‍ക്ക് ഭാഗ്യമുണ്ടായി. ലളിതാംബിക അന്തര്‍ജനത്തിന്റെ സമ്പൂര്‍ണകഥകളില്‍ നിന്നെടുത്ത കഥയാണ് വിശ്വരൂപം.

അമ്മയുടെ കടമ എന്താണെന്ന് ജീവിതത്തിന്റെ അവസാനകാലത്ത് തിരിച്ചറിയുന്ന മിസ്സിസ് തലത്ത് എന്ന കഥാപാത്രമാണ് ഇതിലെ നായിക.
താന്‍ നാലുകുട്ടികളെ പ്രസവിച്ചു എന്നുമാത്രം. മുലയൂട്ടിയിട്ടില്ല. താരാട്ടുപാടിക്കൊടുത്തില്ല.അസുഖം വന്നപ്പോള്‍ ശുശ്രൂഷിച്ചില്ല. സ്‌നേഹിച്ചില്ല. മക്കളുമായി ആത്മബന്ധമൊന്നുമുണ്ടായിരുന്നില്ല.
എന്നാല്‍ വാര്‍ധക്യത്തില്‍ ചില തിരിച്ചറിവുകള്‍ ഉണ്ടായിരിക്കുന്നു. ഒറ്റപ്പെടലില്‍നിന്ന് ചില പാഠങ്ങള്‍ പഠിച്ചു. ലേഡിയില്‍നിന്ന് അമ്മയിലേക്ക് രൂപാന്തരപ്പെടുകയാണ്. സ്‌നേഹം കൊടുത്താലേ തിരിച്ചുകിട്ടൂ എന്ന് തിരിച്ചറിയുന്നു. വേദനയും കുറ്റബോധവുമുണ്ട്. അമ്മ നന്മയുടെയും സ്‌നേഹവാത്സല്യങ്ങളുടെയും ആള്‍രൂപമാണ്. അമ്മ യാഥാര്‍ഥ്യമാണ്. കുട്ടികളുടെ ആദ്യ ഗുരുവും സുഹൃത്തും അമ്മതന്നെ. അമ്മയിലൂടെയാണ് കുഞ്ഞ് ലോകത്തെ അറിയുന്നത്.
ഈ സത്യം കഥയിൽ നിറഞ്ഞുനിൽക്കുന്നു .