Цэцгэн Мантуу (Хуурай хөрөнгө/Дрож)

Описание: 1 ууттай эсвэл 2 ¼ цайны халбага эсвэл 8 гр хуурай хөрөнгө
1 цайны халбагаг эсвэл 5 гр элсэн чихэр
¼ аяга эсвэл 60 гр бүлээн ус (43-46С)
1 аяга эсвэл 240-250 гр бүлээн сүү
3 аяга эсвэл 420-450 гр гурил
1 цайны халбага эсвэл 7 гр давс
1. Жижиг саванд ¼ аяга усан дээр элсэн чихэр хуурай хөрөнгөө цацаж хийнэ. Хуурай хөрөнгө
элсэн чихэр хоёроо 2-3 минут байлгасны дараа хөөсөртөл нь хутгана. Дулаахан газар 3-5
минут эсвэл хөөс нь 2 дахин томортол байлгана.
2. Том саванд хөрөнгөний зуурмагаа сүү болон давстайгаа нийлүүлж хутгаад дээр нь гурилаа
хийж хутгана. Зуурмаг хананаасаа салаад ирэхээр хавтгай гадаргуу дээр гаргаж ирээд
гараараа нухна. Ойролцоогоор 10-12 минут нухахад зуурмаг гөлгөр болно. Тосолсон саванд
зуурмагаа хийгээд хучаад өрөөний температурт 1 ½ - 2 цаг эсвэл хэмжээ нь хоёр дахин
томортол хөөлгөнө.
3. Зуурмагийг гарынхаа нударгаар нэг удаа цохиж хийг нь гаргаад анхны хэлбэрт нь оруулна.
Хучаад 20 -30 минут эсвэл хэмжээ нь хоёр дахин томортол хөөлгөнө.
4. Зуурмагаа гурилдсан гадаргуу дээр гаргаж ирээд 5 минут орчим гөлгөр болтол нухна.
5. Зуурмагаа хоёр хуваана. Гурилдсан гадаргуу дээр зуурмагаа элдээд 30 см урттай, 15 см
өргөнтэй, 3-5 мм зузаантай дөрвөлжин хэлбэртэй болгож элдэнэ. Дээр нь хүнсний багсаар
ургамлын тос нимгэн түрхээж сайн жигд тараана. Урт талынхаа нэг үзүүрээс эхлээд хуйлаад
цилиндэр хэлбэртэй болгоно. Нөгөө үлдсэн зуурмагаа мөн адил маягаар элдээд хуйлна.
6. Хуйлсан зуурмагаа хутгаар ойролцоогоор 1.8 см-ийн хэмжээтэй зүсээд хоёр хоёроор нь
элдсэн талаар нь давхарлана. Хутганы ар талаар эсвэл савхаар дараад хооронд нь сайн
барьцалдуулна.
7. Эрхий болон долоовор хуруугаараа үзүүрээс нь татаж сунгаад ар тал руу нь татаад хоёр
үзүүрийг нь нийлүүлн. Нийлүүлсэн үзүүрээ чимхэж сайн барьцалдуулна.
8. Тосолсон бандан дээр хэвлэсэн мантуугаа 2-3 см- ийн зайтай байрлуулаад алчуураар
хучина. 30 минут орчим эсвэл хуруугаараа хатгахад буцаж ойх хүртэл нь хөөлгөнө.
9. Жигнүүрийн тавиурыг тосолж бэлдэнэ. Жигнэхээс 5-10 минутийн өмнө жигнүүртээ
хангалттай ус хийгээд дээр нь жигнүүрийн тавиураа тавиад сайтар уур гартал буцалгана.
10. Жигнүүрийн тавиур дээр эссэн мантууны зуурмагаа 2-3 см-ийн зайтай байрлуулаад сайтар
таглана. 9-10 минут жигнэнэ. Жигнэж дуусаад галаа унтраагаад 5 минут орчим жигнүүр
дотроо байлгана.
11. Хавчуураар мантуугаа гаргаад бүлээнээр нь идэж болно, эсвэл хөрсний дараа гялгар уутанд хийж хөлдөөгчид хадгалж болно. Амтархан хүртээрэй.
https://www.facebook.com/crystalsbrea...

Миний хэрэглэсэн зүйлс:
Зөөлөн Хусуур: https://amzn.to/4h965X1
Хуурай хөрөнгө: https://amzn.to/48mDHyo
Шингэн хэмждэг аяга: https://amzn.to/42wOZfS

Please note these links are affiliate links, which means I may earn a commission.
Эдгээр холбоосууд нь түншлэлийн холбоосууд тул би шимтгэл авах боломжтой гэдгийг анхаарна уу.