Kaun Hain Syeda Falak? | Karate Champion Se Maharashtra Ki Taaqatwar Leader

Описание: #Munsif #MunsifNews #MunsifNews24x7 #MunsifDaily #MunsifHyderabad #MunsifIndia #TelanganaNews #hyderabadnewschannel

Maharashtra ki siyasat mein ek naya aur bebaak chehra ubhar kar saamne aaya hai jise awam “Lady Owaisi” ke naam se pehchanne lagi hai۔
AIMIM ki jawaan aur purjosh leader Syeda Falak ne BMC elections ke dauran apne garajti bayanaat aur jaratmand taqreeron se poore siyasi mahaul ko garma diya۔

Unka bayan —
“Agar Allah ne chaha to ek din hijab aur niqab pehnay hui Musalman khatoon Hindustan ki Wazir-e-Azam banegi, InshaAllah” —
social media par tezi se viral ho raha hai aur is par siyasi halqon mein behas jaari hai۔

31 saala Hyderabad se talluq rakhne wali Syeda Falak ne Sholapur aur Maharashtra ke mukhtalif ilaqon mein AIMIM ki election campaign ki qiyadat ki, jahan hazaaron log unke jalson mein shamil hue۔
Unke andaaz-e-bayaan ne logon ko Asaduddin Owaisi ki yaad dila di hai۔

Siyasat mein aane se pehle Syeda Falak ek international karate champion reh chuki hain, jinhain “Falak The Fighter” kaha jata hai۔
Woh ab tak 20+ national aur 22 international gold medals jeet chuki hain aur Telangana ki pehli khatoon athlete hain jinhon ne World aur Asian Karate Championships ke liye qualify kiya۔

Ek advocate hone ke saath saath woh apni karate academy ke zariye ladkiyon ko self-defense training bhi deti hain۔
2020 mein AIMIM join karne ke baad woh khawateen ke huqooq, aqlaati masail aur dastoori qeematon par ek mazboot awaaz ban chuki hain۔

Siyasi mubassireen ke mutabiq, Syeda Falak mustaqbil ki qaumi siyasat ka ek aham aur be-khauf chehra sabit ho sakti hain۔

#LadyOwaisi #SyedaFalak #AIMIM #HijabPolitics #MuslimWomen #MaharashtraPolitics #BMCelections #IndianPolitics #UrduNews