Sen. Tulfo, sinita ang NIA sa isyu ng right of way

Описание: Sinabon ni Sen. Raffy Tulfo si dating National Irrigation Administration (NIA) administrator Ret. Gen. Ricardo Visaya matapos lumabas sa pagdinig ng Senate Blue Ribbon Committee na gumagawa ng irrigation projects ang ahensya kahit hindi pa nareresolba ang problema sa right of way.

Giit ng Senador, dapat sineseguro munang nakumpleto ang lahat ng papeles at pumayag ang may-ari ng lupa bago simulan ang isang proyekto nang sa gayon ay wala na aniyang pumapalag habang ginagawa ang irrigation project at hindi ito nabibinbin. Isa sa tinalakay sa pagdinig ay ang Balog-Balog Multi-Purpose project kung saan maraming katutubo na tinamaan ng proyekto ang nagreklamo.

“Diba dapat bago kayo mag-implement ng project sinosolve niyo muna ‘yung problema sa right of way? Naayos niyo muna ‘yan… Kasama sa dapat na ginagawa niyo na bigyan ng solusyon o ayusin o tapusin ay ‘yung problema sa right of way bago ang implementasyon ng isang proyekto,” binigyang-diin ni Tulfo.

Ipinag-utos din ng Senador na ibigay sa kaniya ang listahan ng mga nakabinbin na proyekto ng NIA dahil sa isyu sa right of way. #News5

Follow News5 and stay updated with the latest stories!

Facebook: facebook.com/News5Everywhere
Twitter: twitter.com/News5PH
Instagram: @news5everywhere
Tiktok:   / news5everywhere  
Website: news5.com.ph