İranın müsəlman ölkələrini qınamağa haqqı varmı?

Описание: Dünən İran Ali Milli Təhlükəsizlik Şurasının katibi Əli Laricani dünya müsəlmanlarına və islam dövlətlərinə 6 bəndlik məktub ünvanlayıb. O, ABŞ və İsrailin ölkəsinə hücumunun İranı parçalamaq məqsədilə həyata keçirildiyini vurğulayaraq İran xalqının öz müqaviməti ilə düşməni çıxılmaz duruma saldığını iddia edib və yazıb: ““Bilirsinizmi ki, nadir hallar, o da yalnız siyasi səviyyədə olmaqla, nəzərə alınmazsa, islam dövlətlərindən heç biri İran xalqına kömək etmədi?” Laricani daha sonra islam ölkələrini sərt bir formada qınayaraq əlavə edib: “İran “böyük və kiçik şeytan”a, yəni ABŞ və İsrailə qarşı müqavimət yolunu davam etdirir, amma islam dövlətlərinin davranışı Peyğəmbərin: “Əgər bir müsəlmanın fəryadına cavab verməsəniz, müsəlman deyilsiniz” – sözləri ilə ziddiyyət təşkil etmirmi? Bu necə müsəlmanlıqdır?!” Ardınca İran rəsmisi müsəlman ölkələrini tərəfini müəyyən etməyə, ABŞ və İsrailə etimad etməməyə, islam dünyasının gələcəyini düşünməyə və ümmətin vəhdətini təmin etməyə çağırıb. İranın düşdüyü vəziyyətdə bu çağırışların niyə edildiyini başa düşmək mümkündür. Amma Əli Laricani çox savadlı və təcrübəli bir şəxs kimi, bunu bilməmiş deyil ki, müasir dünya siyasəti dini mənsubiyyət əsasında yox, dövlət mənafeləri və geosiyasi maraqlar əsasında həyata keçirilir. Necə ki, İran özü də bunu edib və edir. Yoxsa İran Qarabağ savaşında müsəlman və əhalisinin əksəriyyəti şiə məzhəbindən olan Azərbaycanı qoyub niyə Ermənistanı müdafiə edirdi? Otuz il ərzində bütün vasitələrlə erməni işğalının doğurduğu status-kvonun saxlanmasına niyə çalışırdı? Həmin dövrdə regionun geosiyasətini o qədər də bilməyən bir çox xarici ekspertlər İranın öz həmməzhəblərini qoyub xristian dövlətin tərəfində durmasını heyrətlə vurğulayırdılar.


#İran #ABŞ #İsrail #müharibə #Laricani #müsəlman #islam