Rikthehen radhët e emigrantëve shqiptarë në Kapshticë - (27 Dhjetor 2002)

Описание: Lajme Arkiva - TV Klan 2002

Radhët e emigrantëve për të shkuar në Greqi janë rikthyer përsëri në prag të Vitit të Ri, në pikën doganore të kalimit të kufirit në Kapshticë. Nga ana tjetër e kufirit grek punohet me ritme të ngadalta, ndërkohë që në sportelin shqiptar të vulosjes së pasaportave njerëzit sa vijnë dhe shtohen. Emigrantët thonë, se duhet të kthehen patjetër në Greqi, pasi iu përfundojnë lejet e qëndrimit.

Emigranti 1:- “Po ikim nga halli, erdhëm të festonim këtu, po nuk na lë qeveria ta festojmë këtu, se na kanë bërë një ngatërresë me kartat që as ne se marrim vesh. Në Greqi kemi paguar lekët e dynjasë për të marrë letrat dhe të vijmë të bëjmë Vitin e Ri këtu, këta s’na lënë as për Vit të Ri as për vit të vjetër. Dje erdha unë e sot po iki”.

Emigranti 2:- “Po ikim se kemi hallin e dokumenteve, se greku ka thënë që ju skadojnë para 31 Dhjetorit, prandaj jemi të detyruar të kthehemi”.

Fluksi i emigrantëve në drejtim të Greqisë në pikën doganore të Kapshticës, në krahasim me një vit më parë është rritur disa herë. Vitin e kaluar shumica e emigrantëve u kthyen në Greqi pasi kishin festuar në Shqipëri jo vetëm Krishtlindjet por edhe ndërrimin e viteve. Për shkak të lejeve të qëndrimit këtë vit atyre u është dashur të kthehen para kohe, pavarësisht se në Shqipëri kanë lënë familjet dhe në Greqi janë akoma me pushime./tvklan.al


SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook:   / tvklan  
Follow Tvklan on Instagram:   / rtvklan  
Programet e Tv Klan mund t’i ndiqni edhe në faqen https://tvklan.al/programe/