Doot es gek - Vrinj van ut Prinsepaar

Описание: Vastelaovendj 2015 in Itter kan beginne. De Walvaegers zeen der klaor veur. Ut enige waat nog óntbrook waas de binnetrèkker. Bie deze: ‘Doot ès gek!’ van ‘De Vrinj van ut Prinsepaar’.

Speciaal gemaaktj veur Prins Erwin, Prinses Cindy & Adjudant Ralf, mer natuurlijk ouch veur Jeugdprins Jurn, Jeugdprinses Joy & häör Adjudante Tijmen en Joos en alle vastelaovesveerders in Itter. Ut kan ós neet gek genóg gaon es ut óm de vastelaovendj geit, en óm in de weurdj van óze Prins Erwin te blieve: Ut geit al lekker, mer ut kan nog gekker!

De muziek höbbe wae geklauwdj van ut Venloose trio W-Dreej die mèt un soortgeliek leedje ut LVK höbbe gewónne in 2012.

Ut nummer is inne studio van de legendarische groep The Classics
in Stramproy opgenómme mèt de unieke ‘vlaaiesound’ en lichtelijk
bewèrktj door Rolph Broens.

Aan dees CD wèrkdje mèt:
Meike, Phil, Jurn, Fee, Teun, Quinn, Sieb, Stef, Jop, Guus, Ralf, Miranda, Roland, Elles, Ralf, Nicole, Patricia & Harold.

Songtekst - Doot ès Gek

Ich waer gek van ut wachte, op die drie knotsgekke daag
Kan al dage neet aete mèt det gekriebel in de maag
Al lang klaor mèt mien pekske, kakelbóntj mèt road gael greun
Dus laot ós noe beginne, mèt dees hieël bekindje deun
Dus pak mer vast en loup mer achterein
Door Itter haer en den gaon wie unne trein

REFREIN
Gek, gek, doot ’s lekker gek!
Gek doon, eeder op zien plek
Want ut, motto’s oetgelektj
Dus we gaon noe lekker mèt doon

Erwin, geit dees daag veurop
Cindy, raaktj neet achterop
Wae doon, ‘n sjöp der bovenop
Want ut geit hie noe al lekker . . . gek

‘Ut is neet te geluive’, inne optocht alweer pries
Kóm den gaon wae det veere, want van beer zeen wae neet vies
Den wils doe get bestèlle, mer d’r stuit ein ganse riej
Tiks häör rechts oppe sjouwer, löps aane linkerkantj veurbie
En kumtj de polonais den langs dich door
Doot lekker mèt veur dae eine kieër per jaor!

REFREIN

Al geit ut nog zoea lekker hie
Ut kan nog gekker, zie aan zie
Geneet ter van, ’t is kort genóg
Dae sjoeane tied dae vleugt veurbie
Mer veur vandaag is ’t neet te laat
Dus laot uch gaon en gaef mer gaas
Op elk gezich ein sjoeane lach
Doot lekker gek toet laat vanach!

Gek, gek, doot ’s lekker gek!
Gek doon, eeder op zien plek
Want ut, motto’s oetgelektj
Dus we gaon noe lekker mèt doon

REFREIN