რამდენიმე ათეულმა უვადო პატიმარმა შიმშილობა დაიწყო

Описание: სასჯელაღსრულების სამინისტროში ადასტურებენ, რომ რამდენიმე ათეულმა უვადო პატიმრობამისჯილმა პირმა შიმშილობა გამოაცხადა. უწყების ინფორმაციით, საუბარია 42-ს პატიმარზე.

გლდანის მე-8 დაწესებულებაში მოთავსებული მსჯავრდებულები, რომლებსაც უვადო პატიმრობა აქვთ შეფარდებული, 2012 წლის დეკემბრის ბოლოს პარლამენტის მიერ მიღებულ „ამნისტიის შესახებ“ კანონში არსებულ ხარვეზებზე საუბრობენ.

სამინისტროს ინფორმაციით, მოშიმშილეეები მეთვალყურეობის ქვეშ იმყოფებიან.

გავრცელებული ინფორმაციით, იმავე მოთხოვნით შიმშილობა დაიწყო რუსთავის მე-6 სასჯელაღსრულების დაწესებულებაში მოთავსებულმა 10-მა პატიმარმაც, რომლებსაც ასევე უვადო პატიმრობა აქვთ მისჯილი.