VAKSINIMI KUNDËR HPV/ Parashikohen rreth 14 mijë e 500 vaksinime tek ata që mbushin 13 vjeç

Описание: #oranews #vaksinimi #hpv

Vaksinimi kundër Human Papilloma Virus (HPV) tashmë është i detyrueshëm duke nisur nga 1 janari 2026, jo vetëm për vajzat 13-vjeçare, por edhe për djemtë e së njëjtës moshë.

Vendimi është marrë për shkak të rrezikut serioz që ky virus paraqet edhe tek meshkujt, duke shkaktuar kancer të organeve gjenitale dhe pasoja të tjera të rënda shëndetësore.

“Ka filluar vaksinimi i detyrueshëm ndaj HPV-së, jo vetëm te vajzat 13 vjeç por edhe te djemtë.

Edhe ata janë të rriskuar dhe normalisht dhe ata duhet të aplikojnë këtë vaksinë.”- shpjegoi mjekja.

Autoritetet shëndetësore kanë përfshirë zyrtarisht djemtë në kalendarin kombëtar të vaksinimit, duke theksuar se edhe ata janë të ekspozuar ndaj infeksionit HPV, si dhe luajnë rol në përhapjen e tij.

“Te djemtë shkakton probleme serioze, duke na dhënë një kancer të organeve gjenitale, kancer të faringsit dhe ata kanë shumë pasoja nga HPV.”- tha ajo.

Vaksina kundër HPV do të administrohet fillimisht me një dozë, dhe nëse do të jetë e nevojshme, do të aplikohet edhe një dozë shtesë në një fazë të mëvonshme.

“Kjo vaksinë mund të aplikohet vetëm me një dozë sepse do të shikohet edhe pas dhjetë vjetëve. Imuniteti do të filloj të bjerë në mënyrë graduale. Do të duhet edhe një dozë shtesë.”- tha ajo.

Sipas të dhënave, janë parashikuar rreth 14 mijë e 500 djem që mbushin moshën 13 vjeç pritet të vaksinohen brenda vitit, ndërsa autoritetet bëjnë thirrje prindërve të informohen dhe të bashkëpunojnë me strukturat shëndetësore, duke e konsideruar vaksinimin si një mjet kyç për parandalimin e kancereve të lidhura me HPV në të ardhmen.

Për më shumë lexoni: https://www.oranews.tv/shendetesi/vak...

Website: www.oranews.tv

Youtube http://bit.ly/2DDddtL

Facebook: http://bit.ly/2RkUN4s

Instagram   / oranews.one  

X https://x.com/oranews_one

Follow Televizionin Ora News