Holdaper nambiktima ng tourism student, huli sa Oplan Galugad | ABS-CBN News

Описание: Hindi na naisumite ng isang 18-anyos na first-year tourism student ang kaniyang school project matapos siyang holdapin ng dalawang lalaki habang pauwi sa Barangay Pinagbuhatan, Pasig City.

Sa kuha ng CCTV sa lugar pasado alas-9:00 ng gabi noong Martes, Agosto 18, kitang napaatras ang biktima nang salubungin at harangin ng mga suspek upang agawin ang kaniyang cellphone na nagkakahalaga ng P27,000.

“Paglampas ko po bumalik sa akin 'yung lalaki, sabi niya ‘ate, holdap ‘to’, bigay ko na lang daw po 'yung gamit ko para hindi na ako masaktan,” kwento ng biktima na pauwi na sana matapos gumawa ng video output para sa isang school activity.

Ayon pa sa biktima, nagdulot ng trauma ang nangyari at nahihirapan na rin siyang makapag-focus sa kaniyang pag-aaral, lalo pa't nag-shift sila sa online class noong nakaraang mga araw dahil sa masamang panahon.

“Traumatic siya sa akin, hirap na ako lumabas, hirap ako matulog,” dagdag niya.

Pero matapos magpasaklolo sa mga awtoridad, nadakip sa kasunod na Oplan Galugad ng Pasig City Police Sub-Station 5 sa Caliwag Street ang 21-anyos na suspek na nakita sa CCTV na umagaw sa cellphone.

Hindi na nabawi sa suspek ang gadget ng biktima, pero nakuhanan ito ng isang gramo ng hinihinalang shabu.

Ayon sa pulisya, tatlong beses nang pabalik-balik sa kulungan ang suspek dahil sa kasong may kaugnayan sa ilegal na droga.

Ayon nama kay Kagawad Arcie Lucas, miyembro rin ang suspek ng grupo ng mga holdaper na madalas nambibiktima ng mga estudyante.

“Mayroon silang grupo, nambibiktima sila, karamihan mga estudyante. Alam nila hindi papalag, kaya 'yun ang tinatarget nila,” dagdag ni Lucas na vice chair ng Peace and Order Committee ng barangay.

Kasalukuyang nakakulong ang suspek sa Pasig City Police Station dahil sa kasong paglabag sa Comprehensive Dangerous Drugs Act. Handa naman ang biktima na magsampa ng kasong Robbery with Violence or Intimidation of Persons laban sa kaniya.

Patuloy namang pinaghahanap ng pulisya ang kaniyang naging lookout sa pagnanakaw.

For more ABS-CBN News videos, click the link below:
   • ABS-CBN News  

For more Breaking News & Live Coverage videos, click the link below:
   • Breaking News & Live Coverage  

For more latest news and analysis from ABS-CBN News videos, click the link below:
   • The latest news and analysis from ABS-CBN ...  

For more News Digital News Raw Cuts, click the link below:
   • News Digital Raw Cuts  

Subscribe to the ABS-CBN News channel! - http://bit.ly/TheABSCBNNews

Watch full episodes on iWant for FREE here:
http://iwanttfc.com

Visit our website at http://news.abs-cbn.com
Facebook:   / abscbnnews  
Twitter:   / abscbnnews  
Instagram:   / abscbnnews  

#Krimen
#Holdap
#PasigCity
#ABSCBNNews
#Crime
#Theft
#Holdup