Përgjaken Krishtlindjet/ Makinat përplasen 'kokë më kokë' në Levan-Tepelenë, vdes 16-vjeçari

Описание: Një i ri ka humbur jetën në një aksident mbrëmjen e kësaj të enjte, 25 dhjetor 2025.

Ngjarja ka ndodhur në autostradën Levan-Tepelenë në vendin e quajtur “Kthesa e Cakranit”.

Dy automjete tip “ Benz” dhe “ Peugeot” janë përplasur me njëra-tjetrën , dhe për pasojë ka humbur jetën në vendngjarje një 16-vjeçar i identifikuar me inicialet O. M., raporton për Klan News, gazetarja Anila Sefa.

Burimet nga vendngjarja bëjnë me dije se viktima i ka prerë rrugën automjetit tip “ Benz” i cili po udhëtonte nga Poçemi në drejtim të Levanit , teksa 16-vjeçari po dilte në autostradë nga Cakrani.

Shërbimet e policisë ndodhen në vendngjarje së bashku me grupin hetimor për të bërë të mundur përcaktimin e shkaqeve të këtij aksidenti me pasoja fatale për jetën.

Policia e Fierit ka dhënë detaje nga aksidenti tragjik. Sipas uniformave blu, viktima është një 16-vjeçar.

“Fier/Informacion paraprak Rreth orës 19:00, në aksin rrugor “Levan-Tepelenë”, në fshatin Cakran, automjeti me drejtues shtetasin S. B., 30 vjeç, është përplasur me automjetin me drejtues shtetasin e mitur O. M, rreth 16 vjeç.

Si pasojë e përplasjes shtetasi O. M, ka ndërruar jetë gjatë transportit për në spital.

Grupi hetimor ndodhet në vendngjarje dhe po kryen veprimet për zbardhjen e rrethanave dhe shkakut të aksidentit”, njofton policia.

SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web https://tvklan.al/kategoria/klan-news/
Follow Klan News on Facebook:   / klannews  
Follow @klannews on Instagram:   / tvklannews  
#KlanNews #KlanNewsLajme #TvKlan