IMF-ის გზავნილები - ექნება თუ არა საქართველოს სავალუტო ფონდთან ახალი პროგრამა?

Описание: საერთაშორისო სავალუტო ფონდის მისიის ხელმძღვანელი, ფინანსთა მინისტრი და ეროვნული ბანკი პრეზიდენტი მედიის კითხვებს დღეს საერთაშორისო სავალუტო ფონდის მისიის შეჯამებისთვის გამართული პრესკონფერენციისას ასუნებინებდნენ. მისიამ მუშაობა დაასრულა, სამომავლო პერსპექტივაზე პასუხები ბუნდოვანი დარჩა, თუმცა ალეხანდრო ჰაჟდენბერგმა მოხსენებისას ქვეყნის ეკონომიკური პროგნოზების განახლებისას პროგრესთან ერთად გამოწვევებზეც ისაუბრა.
IMF აღნიშნავს, რომ საქართველოში ძლიერი ეკონომიკური აქტივობა ნარჩუნდება და მიმდინარე წლისთვის ეკონომიკური ზრდის პროგნოზი 7.2%-მდე გაზარდა. თუმცა ასევე ბრიფინგზე ფონდის მისიის ხელმძღვანელმა თქვა რომ რომ შიდა პოლიტიკური დაძაბულობა ქვეყნის ეკონომიკაზე შესაძლოა ნეგატიურად აისახოს. სავალუტო ფონდის რეკომენდაციებს შორის კვლავ რჩება სახელმწიფო საწარმოების რეფორმის გაგრძელება და ეროვნული ბანკის დამოუკიდებლობის გაზრდა. ბუნდოვანება რჩება თემაზე ექნება თუ არა საქართველოს სავალუტო ფონდთან ახალი პროგრამა, ეს კი იმ ფონზე, რომ ჯერ კიდევ 2023 წელს შეჩერებულ პროგრამას ვადა ოფიციალურად მიმდინარე წლის 14 ივნისს გასდის.