Suez Canal-ன் முக்கியத்துவம் தெரியுமா? கப்பல்களை 'குறிவைக்கும்' Houthis; வர்த்தகத்திற்கு பேராபத்தா?

Описание: இஸ்ரேல் ஹமாஸ் இடையேயான போரின் விளைவுகள் காஸாவையும் தாண்டி எதிரொலிக்கத் தொடங்கியுள்ளன.

சரக்கு கப்பல் போக்குவரத்தின் உயிர் நாடியாக இருக்கும் செங்கடல் பகுதி இந்த மோதலின் நீட்சியாக மாறியுள்ளது.

ஹமாஸுக்கு ஆதரவாக இருப்பதாக கூறிக்கொள்ளும் இரான் ஆதரவுப்பெற்ற ஹூத்தி கிளர்ச்சியாளர்கள் இஸ்ரேல் - ஹமாஸ் போர் தொடங்கியதில் இருந்து செங்கடல் வழியாக செல்லும் வெளிநாட்டு கப்பல்களை குறிவைத்து தாக்கி வருகின்றனர்.

தற்போது செங்கடல் வழியாக செல்லும் வெளிநாட்டுக் கப்பல்களை குறிவைத்து ட்ரோன், ஏவுகணைகள் மூலம் அவர்கள் தாக்குதல் நடத்தி வருகின்றனர். அதேநேரம், சூயஸ் கால்வாய் வழியாக இஸ்ரேலுக்கு செல்லும் கப்பல்களை மட்டுமே குறிவைத்து தாக்குவதாக ஹூத்தி கிளர்ச்சியாளர்கள் கூறுகின்றனர்.

சூயஸ் கால்வாயில் ஹூதி கிளர்ச்சியாளர்களின் இந்த தாக்குதலால் எண்ணெய் உலகின் பெரும் நிறுவனமான பிரிட்டிஷ் பெட்ரோலியம் (BP), மற்றும் உலகின் பெரும் கப்பல் நிறுவனங்களான மத்தியத் தரைக்கடல் கப்பல் நிறுவனம், மேர்ஸ்க் உள்ளிட்ட ஐந்து பெரிய நிறுவனங்கள் சூயஸ் கால்வாய் வழியே கப்பல்களை இயக்குவதை தற்போதைக்கு நிறுத்துவதாக அறிவித்துள்ளன.

தங்கள் பணியாளர்கள், கப்பல்கள் மற்றும் சரக்குகளைப் பாதுகாக்க மிக நீளமான மாற்று வழியைப் பயன்படுத்தும் நிர்பந்தத்திற்கு உள்ளாகியிருக்கின்றன.

இது உலக வர்த்தகத்தை மிகப்பெரும் அளவில் பாதிக்கும் என்று வல்லுநர்கள் எச்சரித்துள்ளனர்.

#SuezCanal #RedSea #Houthi


Subscribe our channel - https://bbc.in/2OjLZeY
Visit our site - https://www.bbc.com/tamil
Facebook - https://bbc.in/2PteS8I
Twitter -   / bbctamil