မုလအိတောင်တက်လမ်းမှာ ဘုရားဖူးကားမှောက်ပြီး ၁ ဦးသေဆုံး ကာ ၆ ဦး ဒဏ်ရာ

Описание: ဇန်နဝါရီ - ၁ ၊ ၂၀၂၀

ကရင်ပြည်နယ်က မုလအိတောင်တက်လမ်းမှာ မနေ့ညနေပိုင်းက ဘုရားဖူးကားတစ်စီး တိမ်းမှောက်မှုဖြစ်ပွားပြီး တစ်ဦးသေဆုံးသွားခဲ့ပါတယ်။

ဒီဇင်ဘာ ၃၁ ရက်နေ့ ညနေ ၅ နာရီအချိန်လောက်က မုလအိတောင်တက်လမ်း အဆင်းမှာ တိမ်းမှောက်မှုဖြစ်သွားတာဖြစ်ပြီး ၁ ဦးသေဆုံးကာ ၆ ဦး ဒဏ်ရာရရှိသွားခဲ့တာပါ။

သေဆုံးသူနဲ့ ဒဏ်ရာရရှိတဲ့သူတွေဟာ ရန်ကုန်မြို့ အထက( ၁ )ဒဂုံ က ကျောင်းဆရာမတွေဖြစ်ကြတယ်လို့ သိရပါတယ်။

ခရီးသည် ၁၃ ဦးလိုက်ပါလာတဲ့ ဘုရားဖူးကားတစ်စီးဟာ မုလအိတောင်တက်လမ်းအဆင်းတစ်နေရာမှာ ဘရိတ်ပေါက်ပြီး တိမ်းမှောက်မှုဖြစ်ပွားခဲ့တာလို့ ရဲတပ်ဖွဲ့ကသတင်းထုတ်ပြန်ပါတယ်။

ဒါပေမယ့် ဒေသခံတွေရဲ့ ပြောကြားချက်အရကတော့ ကားဟာ ဆိုင်ကယ်ကိုရှောင်ရင်းနဲ့ တိမ်းမှောက်တာဖြစ်တယ်လို့ ဆိုပါတယ်။

လက်ရှိမှာတော့ ဒဏ်ရာရရှိထားတဲ့သူတွေကို လူမှုကယ်ဆယ်ရေးအသင်းတွေက မြဝတီဆေးရုံကနေတစ်ဆင့် ရန်ကုန်ကိုပြန်လည်ပို့ဆောင်နေပြီဖြစ်ပါတယ်။

မုလအိဘုရားဟာ ကရင်ပြည်နယ်အတွင်းက ထင်ရှားတဲ့ဘုရားတစ်ဆူဖြစ်ပြီး ဘုရားဖူးလာရောက်တဲ့သူတွေလည်း များပြားတာပါ။

ရုပ်သံသတင်းထောက် - စောအောင်မင်းဦး
Subscribe to our channel at https://bit.ly/2CVSP6d
Check out our website: http://www.7daydaily.com/
Connect with us at our social media handles:
Facebook:   / 7dayonlinetv  
Twitter:   / 7day_tv