Hafiz Hona Asaan Magar Rehna Mushkil | Ulama |

Описание: Bengaluru ke Kaval Bysandra Me Darul Uloom Sayeedia ka aaj ek pur-waqar aur rooh parwar Jalsa-e-Dastar Bandi ka in‘iqad hua. Is taqreeb me 23 Huffaz-e-Kiram ki dastar bandi ki gayi, jabke 10 un bachon ko bhi Dastar-e-Fazilat se nawaza gaya jinhon ne ek hi baithak mein mukammal Qur’an-e-Majeed suna kar apni ghair mamooli salahiyat ka saboot diya. Is mubarak mauqe par shehar ke mohtaram ulema-e-kiram ne shirkat farmai jin mein khas taur par Hazrat Maulana Akbar Sharif Nadvi aur Hazrat Maulana Maqsood Imran Rashadi ke rooh parwar khitab ne mehfil ko aur bhi pur-asar bana diya.
Ulema ne apne bayan mein zor diya ke sirf Qur’an ko hifz kar lena hi kaafi nahi, balke asal kamal yeh hai ke Qur’an ko apne seenon mein mehfooz rakhte hue us par amal bhi kiya jaye. Unhon ne walidain aur asatiza ki mehnat ko khiraj-e-tehseen pesh kiya aur kaha ke aise idare aur madaris samaj ki bunyad mazboot karte hain.Is taqreeb me shehar ke mukhtalif ilakon se logon ne shirkat ki aur naye Huffaz ko mubarakbad pesh ki. Dua ke saath mehfil ka ikhtitam hua jismein millat ki taraqqi, ittehad aur deeni taleem ke farogh ke liye khaas dua ki gayi.
.
#JalsaEDastarBandi
#DarulUloomSayeedia
#HuffazEKiram
#QuranE Majeed
#Bengaluru
#KavalBysandra
#IslamicEvent
#DastarBandi
#HifzE Quran
#DeeniTaleem
   / @oonchiawaazindia