ទំនួញប្រេត | Tom Nounh Bret - Phchum Ben Day New 2019 - 2020 ស្មូតដោយ ពេជ្រ សុខា By Phich Sokha

Описание: #YoutubeSunChean #SnnTVofficial
ទំនួញប្រេត | Tom Nounh Bret - Phchum Ben Day New 2019 - 2020
=====ទំនួញប្រេត=======
១.បពិតលោកអ្នកអស់សប្បុរស
ក្មេងចាស់ទាំងអស់ទាំងប្រុសស្រី
ខែភ្ជុំដាក់បិណ្ឌក្នុងឆ្នាំថ្មី
គួរតែលកលៃទៅវត្តវ៉ា ។
២.កុំដេកសម្ងំនៅក្នុងផ្ទះ
ដើរលេងផ្តេសផ្តាស់ល្បែងពាលា
បុណ្យទានមិនធ្វើឆ្ងាញ់តែស្រា
ដើរជេឡូឡាទាំងឯងគេ ។
៣.ដូច្នេះខ្ញុំរៀបរាប់ឲ្យបានដឹង
គួរតែខំប្រឹងគិតរិះរេ
តោះទៅរាប់បាត្រជាមួយគេ
កុំនៅទំនេរឥតនបានការ ។
៤.ម៉ែឪរស់នៅប្រឹងព្រោះកូន
លុះជីវិតសូន្យអស់សង្ខារ
មិនដឹងទៅកើតនៅទីណា
ជាមនុស្សទេវតាឬជាប្រេត ។
៥.បើកើតជាមនុស្សឬទេវតា
ប្រសើរថ្លៃថ្លាព្រោះស្គាល់ហេតុ
ខ្លាចតែធ្លាក់ទៅកើតជាប្រេត
បាក់ពោះគ្រហែតអត់អាហារ ។
៦.ស៊ីតែខ្ទុះឈាមនិងលាមក
រូបកាយអាក្រក់គួរអនិច្ចា
វេទនាខ្លាំងណាស់ក្នុងសង្ខារ
មិនដឹងថ្ងៃណាទើបស្រាកស្រាន្ត ។
៧.នេះហើយគឺកម្មចិញ្ចឹមកូន
អកុសលដល់ខ្លួនឲ្យរំខាន
សុខទុក្ខពុំសុខក្នុងសន្តាន
អស់លោកគ្រប់ប្រាណគួរឧទ្ទិសជូន ។
៨.ឥឡូវភទ្របទខែបុណ្យភ្ជុំ
ប្រេតស្រែកទួញយំរឭកកូន
យមបាលបើកឡែងឲ្យរួចខ្លួន
ទៅរកតាដូនកូនប្រពន្ធ ។
៩.អនិច្ចាគួរអាសូរពេក
ប្រេតហូរទឹកភ្នែករងទុក្ខធ្ងន់
ដើររកគ្រប់វត្តខំគយគន់
មិនឃើញប្រពន្ធកូនឡើយណា ។
១០.ឃើញតែពួកញាតិប្រេតដទៃ
គេបានលកលៃម្ហូបអាហារ
ប្រគេនព្រះសង្ឃតាមវត្តវ៉ា
បរិភោគហើយណាឆ្អែតគ្រប់គ្នា ។
១១.ឈប់ស្លេះត្រឹមណេះពីដើមហេតុ
ស្តីពីពួកប្រេតដែលកំព្រា
យំស្រែកបោកខ្លួនក្បែរវិហារ
រងទុក្ខវេទនាជាអនេក ។
១២.យកដៃគក់ទ្រូងស្រែកទ្រហោរ
ថាឳ!អនិច្ចាខ្លួនខ្ញុំពេក
កាលនៅជាមនុស្សខំទូលរែក
យប់ថ្ងៃគ្មានដេកគ្មានទំនេរ ។
១៣.ឥឡូវធ្លាក់ខ្លួនទៅជាប្រេត
កូនបានស៊ីឆ្អែតពុំនឹកនា
ឲ្យខ្លួនខ្ញុំអើយសែនវេទនា
កំព្រាខ្លោចផ្សាឈឺចុកចាប់ ។
១៤.ហេតុនេះគួរតែសង្វេគ
អាសូរប្រេតពេកដេកផ្ងាផ្កាប់
ស្រេចឃ្លានខ្លំាងណាស់ស្ទើរនិងស្លាប់
រៀបរាប់សាស័ព្ទស្រែកទួញថា ។
(ពោល)១៥.ឳ!កូនសម្លាញ់មាសឪពុក
ខ្លួនឪរងទុក្ខព្រោះរូបបា
ឥឡូវតើកូនបាត់ទៅណាហើយ
មិនឃើញយាត្រាមកធ្វើបុណ្យ ។
១៦.អ្នកដឹងឬទេថាឪពុក
រងទុក្ខលំបាកព្រោះរូបកូន
ផ្តាច់ជីវិតសត្វឲ្យស្ងាត់សូន្យ
ឲ្យតែរូបកូនបានសុខសាន្ត ។
១៧.ឥឡូវផលកម្មតាមមកដល់
ផ្តល់ឲ្យឪពុកពុំដែលក្សាន្ត
រាប់ឆ្នាំមិនអស់ទុក្ខរំខាន
មិនដែលឡើយបានសុខម្តងណា ។
១៨.កូនកើតជាមនុស្សស្គាល់ខុសត្រូវ
កូនពៅមិនគិតដល់បិតា
ស្រេចឃ្លានខ្លាំងណាស់អត់អាហារ
មិនដឹងថ្ងៃណាបានហូបឡើយ ។
១៩.ឥឡូវជិតដល់គម្រប់ថ្ងៃ
យមបាលមកយកឪពុកហើយ
ឳ!កូនសំឡាញ់មាសឪពុកអើយ
កូនអើយតើកូននៅទីណា! ។
២០.បើកូនទៅវត្តឪពុកជួប
បានហូបមួយម៉ាត់រស់អាហារ
រួចស្លាប់ទៅចុះប្រុសជីវ៉ា
ឪពុកឥថាណាកូនអើយ ។
២១.ប្រេតទួញៗទាំងអស់សង្ឃឹម
ទាំងពីព្រលឹមដល់យប់ហើយ
ទ្រូងប្រេងថប់ថែឥតល្ហែល្ហើយ
ម៉្លេះសមអញអើយខានឃើញបា ។
២២.រឿងនេះឈប់ស្លេះប៉ុណ្ណឹងចុះ
អស់លោកស្រីប្រុសគួរពិចារណា
ឃើញទេរឿងពិតព្រោះអ្នកណា
ព្រោះតែបុត្រានិងបុត្រី ។
២៣.នាំឲ្យឪពុកកើតជាប្រេត
ដើមហេតុព្រោះតែនំចំណី
រកស៊ីចិញ្ចឹមកូនប្រុសស្រី
ដល់ក្សិណក្ស័យរងទុក្ខធ្ងន់ ។
២៤.បើអ្នកមានធម៌កតញ្ញូ
ត្រូវតែគិតគួរពីរឿងគុណ
កុំយកតៀមស្រាធ្វើស្រែបុណ្យ
ក្រែងធ្ងន់ជាងខ្មោចឪពុកក្ស័យ ។
២៥.ខែភ្ជុំដាក់បិណ្ឌគេដាក់រាប់បាត្រ
រាប់ចំយ៉ាងស្អាតម្ហូបចំណី
បង្សុកូលជូនផលដល់តាយាយ
ញាតិមិត្តប្រុសស្រីដែលចែឋាន ។
២៦.ឲ្យគាត់បានហូបនំចំណី
ដែលធ្វើផ្ទាល់ដៃយ៉ាងចំណាន
ហូបឆ្អែតកាលណាឲ្យពរបាន
សួស្តីសុខសាន្តឲ្យដល់កូនវិញ ។
២៧.រឿងនេះប្រសិនអស់លោកណា
ដែលមានបញ្ញាបានបំពេញ
ផលនេះនិងជូនដល់អ្នកវិញ
សោយសុខពេញលេញដល់និព្វានហោង ៕
=========================
សូមថ្លែងអំណរគុណសំរាប់ញាតិញោម បងប្អូនប្រុសស្រី និងព្រះករុណាគ្រប់ព្រះអង្គបានចូលមើលទស្សនា វីដេអូ ខ្ញុំព្រះករុណាអាត្មាភាព
សូមឲ្យជួបប្រទះនិងព្រះពុទ្ធពរ ទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ
សូមជួយចុច Like Comment Share and Subscriber ដើម្បីទទួលបាននូវវីដេអូថ្មីឺៗ
http://suncheanbest.blogspot.com/
  / chean_sun  
https://plus.google.com/
  / sun.chean.969  
   / @sunchean