მიდიან დრონი ( KONSTANTINE )

Описание: ისურვებდით თუ არა ამ სიმღერის ცოცხლად შესრულების მოსმენას ? და ვისი შესრულებით?
გთხოვთ დაწეროთ თქვენი პასუხი კომენტარში ❤️📝

დრო საუკეთესო მკურნალია ნებისმიერი ჭრილობის. ისწავლეთ ემოციების მართვა და გრძნობებიც თან გამოგყვებიან ... ❤️

წვიმის წვეთები უკრავენ ნოტებს,
და გრილი სიო დაჰყვება სხეულს.
მთელი არსებით მოგაპყრობ თვალებს,
როგორ დამცქერი აწ უკვე ეულს.

გულის კარნახით როგორ მოვიქცე,
თუკი გონება სხვას რამს მკარნახობს.
ამ გრძნობებს გულში როგორ გავექცე,
ფიქრი ფიქრთაგან დამალვას ლამობს.

ვგონებ მშვენივრად მარტოც ვიქნები,
კორიანტელი იწევა გრძნობის.
და ჩამძირავენ შენზე ფიქრები,
თუკი ქარები არ მოვლენ ზურგის.

/ ვიწყებ თავიდან მე ახალ დილას,
და ეს დღე უფრო ცარიელია.
ძალა აღარ აქვს ჩემთვის შენ სიტყვას,
და რაც კი იყო, დაკარგულია /

მიყვარხარ გითხრა, არცკი მგონია,
ეს მერამდენედ გადავიარე.
გეტყვი რა ტკივილს ძალა ჰქონია,
თუკი ოდესმე გადაგეყარე.

მშვიდობით, წადი, აღარ მინდიხარ,
თუმცა გრძნობებით გულით გატარე,
და როცა ეხლა ასე მიდიხარ,
ცრემლები ჩუმად გულში დავღვარე.

/ ვიწყებ თავიდან მე ახალ დილას,
და ეს დღე უფრო ცარიელია.
ძალა აღარ აქვს ჩემთვის შენ სიტყვას,
და რაც კი იყო, დაკარგულია /

ფიქრებს წარსულში მივყავარ და მე
კვლავ დავფიქრდები გრძნობების ფასზე.
ცხოვრებას უნდა რითმებში ავყვე,
მიდიან დრონი , ტკივილით სავსე ...

ავტორი: _ კონსტანტინე ჟ.

( სრული საავტორო უფლება ტექსტსა და მუსიკაზე )
ხმა : ხელოვნური ინტელექტი