Sumaithaangum Idithaangiye| Lyrics in description | Christian song |Thomas P| Get Ready| Rapture

Описание: Lyrics, Tune and Music directed by Thomas P
Lyrics :
சுமைதாங்கும் இடிதாங்கியே;
அடி வாங்க அனுமதித்தீரே;
நான் கேட்கிறேன், உம் பொறுமையை;
வியந்துப் பார்க்கிறேன், உந்தன் வெறுமையை;
தாருமே, என் தயாளமே;
வாருமே, என் உள்ளுக்குள்ளே;

நான் நினைத்தாலும், என்னை வதைத்தாலும்;
கூடாதக் காரியம், இதுவே.
நான் எண்ணினாலும், என்னைப் புதைத்தாலும்;
முடியாதக் காரியம், இதுவே.

சோதனை வேளையிலே, ஜெபிக்கக் கேட்டீர்;
ஆனால், சுபிக்க்ஷமாக நித்திரை செய்தனரே;
ஒருவரும் உதவ, உமக்கு இல்லையே;
அறிந்தவரும் மறுதலித்தனர் உம்மை;
அணைத்தவரும் விட்டுப் பிரிந்தார், இது உண்மை;
அனாதையைப் போல ஆனீரே;

ஆனாலும், நீர் மௌனமாய்;
ஏற்றுக் கொண்டீரே, ஏளனமான யாவையுமே.
ஆனாலும், நீர் ஞானமாய்
செய்து முடித்தீரே சிலுவையின் கோரத்தை.


ஆளுகையின் அரசர் நீரே;
இவ்வுலகமதின் அதிபதி நீரே;
சொந்தப் பிள்ளைகளால் அடிக்கப்பட்டு;
தேவனான உம்மை, கேளிக்கையாக்கி;
போனோர், வந்தோர், யாவருமே;
அசிங்கமாய் வசைபாடினரே;

ஆனாலும், பிதாவின் சத்துவத்தால்;
வார்த்தையை நிறைவேற்றினீரே.
ஆனாலும், தேவ சித்தத்தின்படி;
கட்டளையை நிறைவேற்றினீரே.


உமை அடித்தனரே உம் படைப்புக்களே;
உமைக் கொன்றனரே உம் வளர்ப்புக்களே;
அதெல்லாம் மறந்து மன்னியும் என்றீரே;
கொடிய நேரத்திலும், காடியை மறுத்தீரே;
மடியும் நேரத்திலும், கயவனை இரட்சித்தீரே;
எத்தனை, எத்தனை, உந்தன் இரக்கங்களோ;
எத்தனை, எத்தனை, உந்தன் இரக்கங்களோ;

ஆனாலும், நீர் பொறுமையாய்;
வெற்றியுடன் உயிர்த்தெழுந்தீரே;
ஆனாலும், நீர் உன்னதமாய்;
ஜெயத்துடன் உயிர்த்தெழுந்தீரே.